Posts tagged ‘malayalam’

മീമാംസ അഥവാ പൊളിറ്റിക്സ്- മാര്‍ഷല്‍ കഥകള്‍

മീമാംസ

തമസോ മാ ജ്യോതിര്‍ഗ്ഗമയ! ‘, ഈ മന്ത്രം ആര്‍ഷഭാരതത്തിന്റെ മൂല മന്ത്രങ്ങളില്‍ ഒന്നാണ്. ഇരുട്ടിനെ അകറ്റി വെളിച്ചത്തെ പ്രാപിക്കുക! എത്ര നല്ല ഒരു സംകല്പം. ഭാരതഭൂവില്‍ കടന്നു വന്ന എല്ലാ സമൂഹങ്ങളും ഈ സങ്കല്പത്തെ ഉള്‍ക്കൊണ്ടിരുന്നു എന്നുള്ളതും നിസ്സന്ദേഹമായ ഒരു വാസ്ഥവമാണ്.

എന്നാല്‍ ഇപ്പോള്‍ പൊതുവായി ഭാരതഖണ്ഡം മുഴുവനുമുള്ളതും , വിശിഷ്യ അതിന്റെ തെക്കേ അറ്റത്തെ കേരളത്തില്‍ ഉടനീളമുള്ളതുമായ ജനാവലിയിലെ ഭൂരിഭാഗവും പേര്‍ അന്തകാരത്തില്‍ വിഹരിക്കുന്നു എന്നുള്ളതാണ് പരമാര്‍ത്ഥം. ചിലര്‍ കണ്ണടച്ച് ഇരിട്ടിലാണ്ടു പോകുന്നതും ചെയ്തുവരുന്നുണ്ട്!

ഈയിടെ ഞാന്‍ ചെവിക്കൊണ്ട ഒരു നാട്ടു വര്‍ത്തമാനം കുറിക്കട്ടെ:

നമ്മുടെ ഇപ്പോഴത്തെ ഭരണം എങ്ങിനെ ഉണ്ടഡോ?

തരക്കെടില്ല! ആര്‍ക്കു എന്തും, തോന്ന്യാസോം , കുരുത്തക്കേടും , നല്ലതും , ചീത്തയും ഒക്കെ എവിടെ വേണെങ്കിലും , എപ്പ വേണെങ്കിലും ചെയ്യാം എന്നായിട്ടുണ്ട്. ബഹു ഭൂരിപക്ഷം വരുന്ന സാധാരണക്കാരന് അതല്ലേ ഒരു സുഖം? എല്ലാര്‍ക്കും വാളെടുക്കാം, വെളിച്ചപ്പെടാം; ഹിയ്യേയ് യ് യ് … ‘ന്നു കൂവ്വാം ! ആരും ഒന്നും ചോദിക്കാനില്ല; പറയാനില്ല; എതിര്‍ക്കാനില്ല; ഒരക്ഷരം ഉരിയാടാനില്ല!

ഇതിനുമുമ്പേത്തെ ഭരണകാലത്തോ?

ഈ അവസ്ഥ അപ്പളും ഇങ്ങന്ന്യാര്‍ന്നൂന്ന് വെയ്ക്ക്യാ!

അതിനു മുമ്പത്ത്യോ?

അന്നും അങ്ങിനെത്തന്നെ!

അപ്പോള്‍ ഈ സദ് വൃത്തി തുടങ്ങീട്ട് കുറേകാലായി, അല്ലേ?

ഉവ്വ്! ഇന്ത്യക്ക് സ്വാതന്ത്ര്യം കിട്ടീട്ട് ഒരു പത്തു കൊല്ലായിത്തുടങ്ങിയപ്പോള്‍ നമ്മുടെ ദിശി ഈ ദൃശം ചരിക്കാന്‍ തുടങ്ങീട്ടുള്ളതാ; പിന്നെ അതങ്ങട് ഭേദപ്പെട്ടു ഭേദപ്പെട്ട് ഇത്രത്തോളം ആയിരിക്കുണൂ!

നിത്യേന നാം കാണുന്നത് , കേള്‍ക്കുന്നത്, അറിയുന്നത്, പറയുന്നത്, വായിക്കുന്നത് :

  • അടിപിടി ഹര്‍ത്താല്‍ ബന്ദ് സത്യാഗ്രഹം, പണിമുടക്ക്.അതിനെത്തുടര്‍ന്ന് പൊതുവാഹനങ്ങള്‍ എന്നിവ കത്തിക്കല്‍.

  • വെട്ട് കുത്ത്, പിടിച്ചുപറി, വെടിവെപ്പ്, ബാങ്കു കവര്‍ച്ച.ദമ്പതിമാരെ റോഡില്‍ തടഞ്ഞു നിര്‍ത്തി ആക്രമിക്കല്‍!
  • ബലാത്സംഗം,പെണ്‍ വാണിഭം(എന്ന കുംഭകൌപീനങ്ങള്‍), ബാലികമാരെ പീഡിപ്പിച്ചശേഷം ഞെക്കിക്കൊല്ലല്‍.
  • ഒരുകൂട്ടം ഹൈന്ദവ സംന്യാസി/സംന്യാസിനിമാര്‍ എന്നു സ്വയം പറഞ്ഞു , അവതരിപ്പിച്ച്,അനുഗാമികളേയും ശിഷ്യന്മാരേയും ആരാധകന്മാരേയും ആരാധികമാരേയും കൂടപ്പൊറുപ്പുകാരേയും കൂട്ടിനുചേര്‍ത്ത് അനാശാസ്യപ്രവര്‍ത്തനങ്ങളിലും, സാമൂഹ്യ വിരുദ്ധ നടപടികളിലും പങ്കാളികളാക്കി ജനദ്രോഹവും രാജ്യദ്രോഹവും നടത്തല്‍. ഹിന്ദുക്കള്‍ മാത്രമല്ല , മുസ്ലിം പുരോഹിതരെന്നു ചമയുന്നവരും, ചില കൃസ്ത്യാനി പുരോഹിതരും ഇത്തരം കൃത്യങ്ങളില്‍ പങ്കെടുക്കുന്നുണ്ട്!

  • രാജവീഥികളിലും, പൊതുപാതകളിലും തലങ്ങും വെലങ്ങും അപകടങ്ങള്‍ പതിയിരിക്കുകയാണ്. ഏറ്റവും കൂടുതല്‍ ജനദ്രോഹം ചെയ്യുന്നത് ചെറുപ്പക്കാരായ ടിപ്പര്‍വണ്ടിയോട്ടികളും , അടുത്തത് അവരുടെ തലമുറക്കാരായ ആന യോട്ടികളുമാണ്! പ്രൈവറ്റ് ബസ്സോട്ടികളും ഇടക്കും തലക്കുമുണ്ട് എന്നത് മറ്റോര്‍ക്ക് സമാധാനിക്കം! ദിനം പ്രതി ഒരുപാടു അപകട മരണങ്ങളും , മുറിവുകളും, ചതവുകളും ,അപായങ്ങളും നടമാടിക്കൊണ്ടേയിരിക്കുന്നു ! ഗതാഗത നിയന്ത്രണത്തിന്ന് നിയമിതരായവര്‍ക്ക് ഒരു ചുക്കും ചെയ്യാന്‍ കഴിയുന്നില്ല; അഥവാ അവര്‍ ഒരു ചുണ്ണാമ്പും ചെയ്യുന്നുമില്ല !

  • സംസ്ഥാനത്തുടനീളം ഭൂമിയിടപാടുകളും , അതേച്ചൊല്ലി അതിഭയങ്കര തര്‍ക്കങ്ങളും , കുടിയൊഴിപ്പിക്കലുകളും, പിന്നീട് കുടിയധിവസിപ്പിക്കലുകളും നടമാടുന്നത് !

  • അസമയത്തെ അധിവൃഷ്ടി, അനാവൃഷ്ടി, വരള്‍ച്ച എന്നിവ പതിവായിരിക്കുന്നത് [ഇനി യിപ്പോള്‍ പ്രകൃതി മാത്രമായി ഒന്നും ബാക്കി വെയ്ക്കേണ്ട!]
  • നോക്കുകൂലി എന്ന വേണ്ടാതീനം അവതരിപ്പിച്ച് കുറേ തൊഴിലെടുക്കാത്ത ബൂര്‍ഷ്വാസിവര്‍ഗ്ഗകര്‍ സാധാരണ ജനങ്ങളെ പിഴിഞ്ഞും പീഡിപ്പിച്ചും സ്വൈരജീവിതം അലങ്കോലപ്പെടുത്തുന്നത് !

  • ഭരണകൂടത്തിന്റെ ഏതു തലത്തിലേയും ഏതൊരു കാര്യാലയത്തിലേയും , ഏതു ലാവണത്തിലേയും വലിയൊരു ശതമാനം ഗുമസ്ഥവര്‍ഗ്ഗം കെടുകാര്യസ്ഥതയില്‍ അഭിരമിക്കുകയും , ഫയലുകള്‍ മറച്ചു വെയ്ക്കുകയോ അഥവാ അവയെ തീണ്ടാതിരിക്കുകയോ ചെയ്യുന്നു. തീണ്ടണമെങ്കില്‍ കോഴപ്പണം വാള്‍ത്തലപ്പത്തു വെയ്ക്കണമെന്ന് അവരാരും പറയുകയില്ല; പക്ഷേ അറിയേണ്ടുന്നവര്‍ അതറിഞ്ഞു പ്രവൃത്തിക്കേണ്ടിയിരുക്കുന്നു!അല്ലെങ്കില്‍ ഫയല്‍ സ്തംഭനം ഉറപ്പാണെന്ന് ജനാവലി അറിയുന്നു! [വെളിച്ചപ്പാടുകള്‍ക്ക് വാള്‍ത്തലപ്പത്താണ് പണം വെക്കുക പതിവ്; അതുകൊണ്ടാണ് ഈ പ്രയോഗം ഉപയോഗിച്ചത്! അവര്‍ ദൈവങ്ങളുടെ കോമരമല്ലേ , ദൈവങ്ങള്‍ക്ക് നേരിട്ട് പണം വാങ്ങാന്‍ പറ്റുകയില്ലല്ലോ? ഒരു പ്രതിനിധി ആവശ്യമല്ലേ?]

  • കുളിപ്പിച്ച് കുളിപ്പിച്ച് കുട്ടിയില്ല്യാണ്ട്യായി’, എന്ന ചൊല്ലിന്മണ്ണം , കൃഷി ചെയ്ത് കൃഷിചെയ്ത് നെല്‍കൃഷി നിലച്ചുപോയിക്കൊണ്ടിരിക്കുന്നു എന്ന അവസ്ഥയിലേക്ക് കേരളം വലിഞ്ഞു കേറിക്കൊണ്ടിരിക്കുന്നു !കൃഷിവകുപ്പിലെ ഗ്രാമതല ഉദ്യോഗസ്ഥര്‍ കസേരകളില്‍ വെള്ളക്കോളറുകള്‍ അണിഞ്ഞിരുന്ന് കോള്‍ കൃഷി ചെയ്യുന്നു! കൃഷിക്കു അനുവദിച്ചു വരുന്ന കോളുകളെല്ലാം ഒതുക്കി , അവയെ അല്പാല്പം വളരെ വേണ്ടപ്പെട്ടവര്‍ക്കു മാത്രം നല്‍കി , പങ്കിട്ട് , താനും ഒരു പങ്ക് പങ്കക്കേടില്ലാതെ പറ്റിവരുന്നു ! അങ്ങിനെ നെല്‍കൃഷി സമീപ കാലത്ത് അന്യം വന്നു പോകാന്‍ തുടക്കമിട്ടിരിക്കുന്നു. [ഈയിടെ നാട്ടിന്‍പുറത്തെ ഒരു കര്‍ഷകന്‍ പറയുകയുണ്ടായി: നൊമ്മടെ ഗ്രാമത്തിലെ തലമൂത്ത ഒരു കര്‍ഷകനെ പിടിച്ച് ഈ ഏലമോഫീസിലിരുത്തിയാല്‍ അങ്ങ്വാര് ഓടി നടന്ന് നമുക്കു വേണ്ടി എന്തേങ്കിലും ചെയ്തു തരുമായിരുന്നു. കൃഷിവകുപ്പിലിരിക്കാന്‍ യോഗ്യതക്ക് ഡിഗ്രിയല്ല നോക്കേണ്ടത് , നേരേമറിച്ച് അവന് കൃഷി ചെയ്യാനും ചെയ്യിക്കാനും വൈദഗ്ദ്ധ്യവും താല്പര്യവും ഉണ്ടോ എന്നുള്ളതാണ്. ഇബറ്റയൊക്കെ വെറും പോക്കാ!!]

  • പുഴകളായ പുഴകളില്‍ നിന്നു മണല്‍ മുഴുവനും കോരിയെടുത്തുകഴിഞ്ഞിരിക്കുന്നു. പാടശേഖരങ്ങളില്‍ നിന്നു മണ്ണു മുഴുവനും നീക്കം ചെയ്തുകൊണ്ടിരിക്കുന്നു. പാറക്കൂട്ടങ്ങളും മലകളും പൊട്ടിച്ച് പൊട്ടിച്ച് കുട്ടിച്ചുവരാക്കിക്കഴിഞ്ഞിരിക്കുന്നു! ഇനി പ്രകൃതിയെ ഇതിന്മേലെ ബലാത്സംഗം ചെയ്യാനില്ലാത്തവണ്ണം എല്ലാം ചെയ്തുകഴിഞ്ഞിരിക്കുന്നു. ഇതിനെല്ലാം ഒത്താശ ചെയ്തുവരുന്നത് തദ്ദേശ സ്വയം ഭരണ സമിതികളും മറ്റു ഉദ്യോഗം നടത്തിപ്പുകാരും, വേറെ ഒരു ഉദ്യോഗവും ഇല്ലാത്തവരും, ഉദ്യോഗം നോക്കാത്തവരും ആണെന്ന് നാട്ടുകാരെല്ലാം അറിയുന്നു; പക്ഷേ എന്തു ഫലം?

     

അജ്ഞാന തിമിരാന്തസ്യ ജ്ഞാനാഞ്ജന ശലാകയാ,

ചക്ഷുരുന്മീലിതം യേന തസ്മൈ ശ്രീ ഗുരവേ നമ: “ എന്ന് നീതിസാരത്തില്‍ ഒരിടത്ത് പറയുന്നുണ്ട്. അജ്ഞാന മാകുന്ന അന്ധകാരത്തെ മാറ്റുവാന്‍ വെളിച്ചം വീഴിക്കുകയാണ് വിദ്യാഭ്യാസം കൊണ്ട് സാധിക്കുന്നത്. അതു സാധിച്ചുതരുന്നത് ഗുരുവാണ് . ഗുരുക്കന്മാരെ ഗുരുവൃത്തിക്ക് തിരഞ്ഞെടുക്കുന്നതില്‍ ഒരുപാടുപിഴവുകള്‍ വന്നുചേരുന്നതായി ജനസമൂഹം അറിയുന്നുണ്ടെങ്കിലും പൊതുജനത്തിന് ഒന്നും ചെയ്യുവാന്‍ കഴിയുന്നില്ല എന്നതാണ് സത്യം! അവര്‍ അന്നു പടച്ചുവിട്ടിട്ടുള്ള അന്നത്തെ പിള്ളരാണ് ഇന്ന് നമ്മുടെ യുവജനം എന്നു പറയുന്ന , ജനാവലിയിലെ 30 ശതമാനം പേരും. ഈ യുവജനങ്ങളടങ്ങുന്ന നമ്മുടെ ജനസമൂഹത്തിലെ കുറേ പേര്‍ ഏര്‍പ്പെട്ടുകൊണ്ടിരിക്കുന്ന ഹീന വൃത്തികള്‍ക്കു കാരണം അവരുടെ കുറഞ്ഞതോതിലുള്ള ധര്‍മ്മ ബോധവും , സമൂഹത്തോടുള്ള അളവു കുറഞ്ഞ കൂറും, അളവു കുറഞ്ഞ പ്രതിബദ്ധതയുമാണ്! അതിന്റെ അളവ് അവരില്‍ വര്‍ദ്ധിപ്പിച്ചെടുക്കണമെങ്കില്‍ അവരില്‍ അവബോധം ചെലുത്തണം. ഇത് രണ്ടു വിധത്തില്‍ സാധിച്ചെടുക്കാം: 1. വിദ്യാഭ്യാസം കൊണ്ടും, 2.നിയമപാലന പ്രകൃയ കൊണ്ടും . ഈ രണ്ടും ഭരണ കൂടത്തിന്റെ കര്‍ത്ത്യവുമാണ്! സിലബസും പാഠ്യപുസ്തകങ്ങളും നിര്‍മ്മിക്കുന്നത് വിദ്യാവിചക്ഷണരും രാഷ്ട്രബോധമുള്ള മഹല്‍ വ്യക്തികളും ചേര്‍ന്നായിരിക്കണം.

ഇപ്പോഴത്തെ തലമുറയുടെ പ്രവര്‍ത്തന ശൈലി അവര്‍ 25-30 കൊല്ലം മുമ്പ് അഭ്യസിച്ച വിദ്യയുടെ പ്രീതമോ, വിപരീതമോ ആയ രീതിയുടെ ഫല സിദ്ധികൂടിയാണ് ! ഒരു ക്ഷേമ രാഷ്ട്രത്തെ കെട്ടിപ്പടുക്കുവാന്‍ ഭരണ കൂടത്തിന്ന്‍ ദീര്‍ഘ ദൃഷ്ടിയുടെ ആവശ്യമുണ്ട്. അതു കണ്ടെത്താനും , പ്രായോഗിതയില്‍ കൊണ്ടു വരാനും എപ്പോഴത്തേയും ഭരണ സാരഥികള്‍ക്കും സമസ്ത ഗുമസ്ഥവര്‍ഗ്ഗത്തിനും കടപ്പാടുണ്ട്. അതിന്ന് വ്യതിയാനമോ , മൂല്യ ഭ്രംശമോ സംഭവിക്കുമ്പോഴാണ് ജന ജീവിതത്തിന്ന് ക്രമക്കേടുകള്‍ സംഭവിക്കുന്നതും, സ്വൈര ജീവിതം താറുമാറാകുന്നതും !

ഇത്തരുണത്തില്‍ കരണീയമായത് അരാജകത്വമെന്നു തോന്നുന്ന ഓരോ കാര്യങ്ങളേയും എല്ലാ തലങ്ങളിലേയും ഭരണാധികാരികള്‍ വിലയിരുത്തി, കാര്യകാരണങ്ങള്‍ ഉരുത്തിരിച്ച് അവകളെ വിലക്കാനും, മറികടക്കാനും , അങ്ങിനെ ജനക്ഷേമം പുനരുദ്ധരിക്കാനും ശ്രമിക്കേണ്ടിയിരിക്കുന്നു എന്നുള്ളതാണ് ! ഈ ശ്രമത്തില്‍ രാഷ്ട്രീയ മുണ്ടാകരറുത് ; മീമാംസ മാത്രമേ ഉണ്ടാകാന്‍ പാടൂ ! വന്ദേ മാതരം! ജയ് ഹിന്ദ്!! ജയ് ജവാന്‍ ജയ് കിസാന്‍!!!

കണ്ടറിവും കൊണ്ടറിവും-മർഷൽ കഥകൾ

kandarivum kondarivum

വിചാരണ: ഒരഴിമതിക്കഥ- മാർഷൽ

vicharana/വിചാരണ: അഴിമതിയെക്കുറിച്ച് ഒരു സറ്റയർ

അജ്ഞതാ ഭൂതങ്ങള്‍- മാര്‍ഷല്‍. ഒരു നാടോടിക്കഥ

കഥ മാര്‍ഷല്‍

അജ്ഞതാ ഭൂതങ്ങള്‍

ചേലക്കരക്കാരന്‍ ബാബു പഞ്ചാബ് , ഭട്ടിണ്ടയില്‍ നിന്നും അവധിയില്‍ വന്നതായി രുന്നു.അവിടേ ഒരു പ്രൈവറ്റു കമ്പനിയില്‍ പ്രൊപ്രൈറ്ററായി ജോലിചെയ്തുവരികയായിരുന്നു അവന്‍ . തിരുവില്വാമലയിലെ കുന്നത്തുമലക്കുന്നിലൂടെ ഒറ്റക്ക് കാറോടിച്ച്പോകയാ യിരുന്നു . കുന്നത്തു മല കഴിഞ്ഞ് ,മലയാറാന്‍ മലകഴിഞ്ഞ് വേണം പുനര്‍ജ്ജനി മലയില്‍ എത്തുവാന്‍. അവിടെ എത്തുന്നവര്‍ പുനര്‍ജ്ജനിക്കുകയാല്‍ അവര്‍ക്ക് പിന്നീടൊരു ജന്മവും ഉണ്ടാവുകയില്ല എന്നും ഒരു നാട്ടുശാസ്ത്ര മുണ്ട്!
മനുഷ്യന് മുക്തി സിദ്ധിക്കണമെങ്കില്‍ പുനര്‍ജ്ജനി സന്ദര്‍ശ്ശിക്കണമത്രേ! മുക്തിയില്ലാതെസിദ്ധികൂടീട്ട്ഒരുകാര്യവുമില്ല!
“മുക്തിയെപ്രാപിക്കാത്തോര്‍മരിച്ചിട്ടെന്തുഫലം?,
വീണ്ടുമേ ജനിച്ചീടും വീണ്ടുമേ മരിച്ചീടും!”,
എന്ന് കര്‍മ്മ ശാസ്ത്രത്തില്‍, തുഞ്ചന്റെ കിളിപ്പാട്ടു രൂപത്തില്‍ ഒരിടത്ത് പാടിയിട്ടുണ്ട്, അതാരും വായിച്ചിട്ടില്ലാത്തത്, ആ സാധനം എവിടേയും കിട്ടാത്തതു കൊണ്ടാണ്!
അതുകൊണ്ടാണ് തിരുവില്വാമലയിലെ പുനര്‍ജ്ജനിയിലേക്ക് ഇത്രയേറെ തീര്‍ത്ഥാടകര്‍ ചെന്നെത്തുന്നത്, പ്രത്യേകിച്ച് ഇടവപ്പാതി പിറക്കുന്നതോടെ!
അവിടെ വെച്ചു സിദ്ധികൂടിയാല്‍ സംസ്കാരാദികള്‍ക്ക് ഭാരതപ്പുഴതീരത്തുള്ള ഐവര്‍ മഠം വളരെ അടുത്തുമാണ്. പുണ്യസ്യ പുണ്യം, മഹാനി പുണ്യാനി എന്നും ഫലം അറിക!!
കഥയിലേക്കു കടക്കാം: ബാബു ഒറ്റക്കായിരുന്നു കാറോടിച്ചുപോയിരുന്നത്. മണ്‍സൂണ്‍ മഴ തുടങ്ങിയിരിക്കുന്നു. കാലവര്‍ഷം കാണാനും ആസ്വദിക്കുവാനും കുറേ പര്യടകര്‍ ഈ കാലത്ത് വരുന്നുണ്ട്. കാര്‍ മേഘങ്ങള്‍ ഉരുമ്മി ഉരുമ്മി പോകുന്നു. തൊടാം! കുളിരില്‍ കോരിത്തരിക്കാം. മേഘജലം കൈകൊണ്ടെടുത്ത് മേല്‍ക്കഴുകാം, ശരീരത്തില്‍ തഴുകാം, തലോടാം,താലോലിക്കാം. മേഘജാലങ്ങളുടെ സുഗന്ധം ചെമ്പകപ്പൂ മണത്തെ വെല്ലുന്ന താണ്.
ദില്‍…. ഹും…ഹും…കരേ….ഘബ്‌….രാ…യേ…..( ഹൃദയം ഹും ഹും എന്നടിക്കുന്നു, മനസ്സില്‍ പേടി തോന്നുന്നു!)
ഘന്….ധം….ധം….കരേ…..ഗര്‌..ജായേ…………………….(കാര്‍മേഘങ്ങള്‍ കൂട്ടിയിടിക്കുന്നു, ഗര്‍ജ്ജിക്കുന്നു)
ഏക്…ബൂന്ദ്…കാ..ബീ…പാനീ…കീ‍ീ‍ീ‍ീ‍ീ…….………(ഒരുതുള്ളി കണ്ണുനീരെങ്കിലും..അത് …)
മൊരേ അഖിയോം….സേ….ബര്‌..സാ‍ാ‍ാ‍ായേ..~~~~(എന്റെനയനങ്ങളില്‍ പെരുമഴയായിപെയ്യുന്നു!!) എന്ന ബൂപന്‍ ഹസാരിക്ക പാടിയ സുന്ദരമായ ഹിന്ദിപാട്ടിന്റെ ഈണം മലയാളമണ്ണില്‍ ബാബു മൂളി നോക്കി. അതിനോട് ഇതിന്ന് ഇണക്കമില്ല. ഇണങ്ങാത്തതിനോട് പിണക്കം കാണിച്ച് ഒരു ഫലവുമില്ല!
അതേപറ്റി ഓരോന്നോര്‍ത്ത് വണ്ടി ഓടിച്ചോണ്ട് പോകവേ , സന്ധ്യ മയങ്ങുന്നു; ഓടിക്കൊണ്ടിടിരുന്ന കാര്‍നിന്നു കളയുന്നു! ഠീം!
എന്തു പറ്റീടാ? വണ്ടി നിന്നു, ചേട്ടാ! സ്റ്റാര്‍ട്ടാകുന്നില്ല. എഞ്ചിന്‍ നിന്നു; അതു തന്നെ . അഞ്ചാറു തവണസ്റ്റാര്‍ട്ടാക്കി നോക്കി; യന്ത്രം അനങ്ങിക്കൊടുക്കുന്നില്ല. പഠിച്ചവിദ്യ പതിനെട്ടും ബാബു പയറ്റി നോക്കി. പറ്റിണില്ല! ബാബുവും ആ ഒറ്റക്കാറും മാത്രം. ഒറ്റകുട്ടിയില്ലാത്ത വിജനമായ സ്ഥലി! ചാതി ചാത്തന്മാര്‍ മാത്രമുള്ള ഇടം, കുന്നിന്‍ കൊടുമുടികള്‍, ചെരുവുകള്‍, താഴ്വരകള്‍! ഈ ചെരുവുകളിലൊന്നിലായിരിക്കാം മറ്റേ അശോകന്‍ ഒരുകാലത്ത് ചെന്നിരുന്നിട്ടുണ്ടാവുക! കീഴെ അഗാധമായ കുണ്ട്! കയം. വീണുപോയാല്‍ കായത്തിന്റെ പൊടിയുണ്ടാവില്ല! [ബാക്കിയൊക്കെ ഉണ്ടാവില്ലേ? അതു പോരേ, മതി, തല്‍ക്കാലം!] കായമെന്നാല്‍ പെരുങ്കായമെന്നാണ്സംസ്കൃതം.
ഇരുട്ടായിവരുന്നതിനാല്‍ നടക്കുകതന്നെ; വഴിയില്‍ ആരെയെങ്കിലും കാണാതെ ഇരിക്കയില്ല, എന്നു കരുതി ബാബു നടന്നു തുടങ്ങി. ആരേയും കണ്ടില്ല; ഒരുമണിക്കൂറിലേറെയായി ഈ നടത്തം. ആയിരം കാതം താണ്ടിയിരിക്കും, ഊമന്‍ ചാണ്ടീയെപ്പോലെ. മഴ ചാറിക്കൊണ്ടേ ഇരിക്കുന്നു. കൊള്ളിയാന്‍ മിന്നുന്നു, ഇടി വെട്ടുന്നു! കാറ്റു വീശുന്നു. പെരുമാരി ഇനിയും വരുവാനുള്ള ആലഭാരമാണ്. എങ്ങിനെ പോകും, എങ്ങിനെ സ്വഭവനം പൂകും, രാത് മേം ക്യാ ഹോഗാ? ഒരെത്തും പിടിയുമില്ലാതെ , ഇതികര്‍ത്തവ്യതാമൂഢനായി, പമ്പരവിഡ്ഢിയായി പരിലസിച്ച് അവന്‍ അങ്ങിനെ നടക്കുമ്പോള്‍ പെട്ടെന്ന് ഒരു കാര്‍ പിന്നില്‍ നിന്നും മെല്ലെ മെല്ലെ വരുന്നു; ബാബു വാതില്‍ തുറന്ന് ഉള്ളില്‍ കയറി ഇരുന്നു.
നല്ല ക്ഷീണമുണ്ടായിരുന്നു. ശ്വാസം തിരിയെ കിട്ടിയ ശേഷം ആരാണ് വണ്ടി ഓടിക്കുന്നത് എന്നു നോക്കിയപ്പോള്‍, ആരേയും കണ്ടില്ല. വണ്ടി തനിയേ ഓടിക്കൊണ്ടേ ഇരിക്കുന്നു. മാത്രമല്ല , കാറിന്റെ എഞ്ചിനൊന്നും ഓടുന്നില്ല, ബോണറ്റിന്റെ ഉള്ളില്‍ നിന്നും ഒരു മുഴക്കവും ഉണ്ടാകുന്നില്ല!
ബാബു ഇരുന്നിടത്തിരുന്ന് തരിച്ചുപോയി! സ്തംഭിച്ചു പോയി! കാറ് തനിയേ ഓടുകയോ?ശെയ്‌ത്താന്‍! ഒരു സംശയവും വേണ്ട! ചെകുത്താന്‍ തന്നെ! ഭൂതം ; പ്രേതം; പിശാചുക്കള്‍!മറുതകള്‍, ബ്രഹ്മരക്ഷസ്സുകള്‍,ചുടലച്ചാത്തന്മാര്‍,രക്തചാമുണ്ടികള്‍.മലമാക്കന്മാര്‍! മലയോരമാണ്. പ്രേത ഭൂതാദികളുടെ വിഹാര കേദാരമാണ് എല്ലാ മലയോരങ്ങളും. തിരുവില്വാമലയിലാണെങ്കില്‍ നിറയെ പൂതനും തറകളുമാണ്! അതും വെറും വര്‍ഗ്ഗത്തറകള്‍! മറ്റൊരു നാമധേയമില്ല!
ഒരു തിരുവെത്തിയപ്പോള്‍ ബാബു കണ്ണു ചിമ്മി: നാം തകരും തീര്‍ച്ച, നേരേ പായുന്ന, എഞ്ചിനില്ലാതെ ഒറ്റക്കോടുന്ന വണ്ടി എങ്ങിനെ ടേണ്‍ ചെയ്യുമീശ്വരാ?,എന്നു മനസ്സില്‍ കരുതിയതിനാലാണ്, പേടിച്ച് പരവശനായതും കണ്ണടഞ്ഞുപോയതും! പെട്ടെന്ന് ഒരു അജ്ഞാതമായ കയ്യ് ഫ്രന്റ് ഡോര്‍ പാനലിലൂടെ പ്രവേശിച്ച് , സ്റ്റീയറിങ്ങ് തിരിക്കുന്നു.
അയ്യോ! രക്ഷപ്പെട്ടു! മൈ ഗുഡ്നെസ്സ്!! ബാബുവാകട്ടെ പേടിച്ചിരണ്ടിരിക്കുന്നു. ഷുവര്‍ , ദേര്‍ ഈസ് സം സൂപ്പര്‍ നാച്ചുറല്‍ തിങ് ഈസ് ഹാപെനിങ് ഹ്യര്‍. ബാബു പിന്നേയും ഭയചകിത ചകോരനായി!
കാര്‍ പോയ്ക്കൊണ്ടേ ഇരുന്നു, തിരുവുകളില്‍ സ്റ്റിയറിങ് വീല്‍ വേണ്ടവണ്ണം തിരിക്കപ്പെട്ടു വന്നു. ഒരു ചുരം, രണ്ടു ചുരം, മൂന്നു ചുരം , ചുരുളഴിയുവോളം ചുരങ്ങള്‍ താണ്ടി കാറു മുന്നോട്ടു നീങ്ങി. കുറേ ദൂരം താണ്ടിക്കഴിഞ്ഞിരിക്കും; ചെറിയ ഒരു, ആള്‍സഞ്ചാരമുള്ള ഗ്രാമമായി തോന്നി, അവിടെ കാര്‍ മെല്ലെ മെല്ലെ നീങ്ങുവാന്‍ തുടങ്ങി . അന്നേരം ബാബു പെട്ടെന്ന് ധൈര്യം സംഭരിച്ച് ഡോര്‍ തുറന്ന്, പുറത്തു ചാടി, ഓടി. തിരിഞ്ഞു നോക്കാനേ പോയില്ല. എന്തുമാരണമായിരിക്കുമാവോ? എന്തെങ്കിലുമാവട്ടെ, രക്ഷപ്പെട്ടുവല്ലോ?
നേരെ ഒരു കെട്ടുകടയില്‍ കയറി, ആദ്യം വെള്ളവും, പിന്നെ ചായയും ചോദിച്ചു. ശ്വാസഗതിയില്‍ വേഗത കണ്ട ഒരാള്‍ ചോദിച്ചു: നിങ്ങളെന്താ ഇങ്ങനെഭയപ്പെട്ട പോലെചകിതനായിരിക്കുന്നത്,മേനക്കുടമളേ?
ബാബുഅവന്റെകഥയുടെചുരുളഴിച്ചു:
കാളി കാളി മഹാ കാളി, ഭദ്രകാളീ നമോസ്തുതേ,
കുലംച കുല ദൈവം ച , മാം ച പാലയ, പാലയ!!
ഭദ്രകാളീനമസ്തുഭ്യം,വരദേകാമരൂപിണീംവിദ്യാരംഭംകരിഷ്യാമി സിദ്ധിര്‍ഭവതുമേസ്സദാ………………
ഇവിടത്തെ മലഞ്ചെരുകളില്‍ ഭൂതങ്ങള്‍ ഉണ്ടോ? അറിയാന്‍ വേണ്ടി ചോദിക്കുകയാ?
***************************************************** കഥ പറഞ്ഞുകൊണ്ടിരിക്കുമ്പോള്‍ കാര്‍ മെക്കാനിക്കുകളായ കണ്ടനും കോരനും അവിടെ കയറിവന്നു. കഥ കേട്ട് കണ്ടന്‍ കോരനോട് പതിഞ്ഞ സ്വരത്തില്‍ കണ്‍‌ഠമൊതുക്കിപ്പറഞ്ഞു:
നമ്മള്‍ തൃസന്ധ്യ നേരത്ത് കാറുന്തിക്കൊണ്ടുവരുമ്പോള്‍ വഴിക്കുവെച്ച് കയറുകയും ഇടക്കുവെച്ച് ഇറങ്ങി ഓടിപ്പോകുകയും ചെയ്ത സത്വം…, നീ പറഞ്ഞത് പുനര്‍ജ്ജനി ഭൂതമാണ് എന്നല്ലേടാ? അതെ!
എടാ ആ സത്വം ധാ’ ഈ ഇരിക്കണതു തന്നെ അല്ലേടാ? ഒന്നു ശരിക്ക് നോക്യേന്‍? വേഷം മാറി വന്നിരിക്കുകയാവാം ആ സത്വം!
ആയിരിക്കുമെടാ! ശര്യാന്നാ തോന്നണേ!
ആ ഭൂതം ഇവട്യേം കേറീരിക്കുണൂഡാ! ഈ പ്രദേശത്തെ പണികഴിഞ്ഞു ഇനി! ഒന്നും ബാക്കിയുണ്ടാകില്ലഡാ!! ത്രിസന്ധ്യയ്ക്കാ കയറി വന്നിരിക്കുന്നത്.
ഇബറ്റക്കാണെങ്കില്‍ ഒരു കുന്തോം അറിയുംകൂടി ഇല്ല്യ! ഇനി ഇപ്പോള്‍ എന്താടാ ചെയ്യാ?
ഒന്നു ബലിക്കളഞ്ഞാലോ? ആക്കുഴികുട്ടികൃഷ്ണന്‍ നായരെ ഒഴിവുകണ്ടാല്‍ മതി!
ശര്യാ! എന്നാല്‍ അങ്ങന്യാവട്ടെ!
അവര്‍ അതിന്നു വേണ്ടി പണപ്പിരിവു നടത്തി, പാമ്പാടി സെന്ററില്‍ നടുറോട്ടില്‍ നട്ടപ്പാതിരയ്ക്ക് ആക്കുഴിമാനെക്കൊണ്ട് ബലിക്കളയിച്ചു! കുക്കുട ബലിയും,മരനീരുബലിയും ,ധൂപദീപാവലിയും, ചാത്തന്‍ തുള്ളലും, കോമരം ചാട്ടവും ഒക്കെ നടന്നു!
——————————————————————–
പിന്‍‌കുറിപ്പ്: അജ്ഞത ഭയത്തെ ജനിപ്പിക്കുന്നു: ഭയം അന്ധവിശ്വാസത്തേയും! അന്ധവിശ്വാസം ജനാവലിയെ വലപ്പിക്കുകയേ ഉള്ളൂ, അവരെ ഉദ്ധരിപ്പിക്കുകയില്ല!പല പല കാര്യങ്ങളും മേല്പറഞ്ഞ കഥയെപ്പോലെ സംഭവിക്കുന്നവയാണ്! അതിനെ തിരിച്ചറിഞ്ഞാല്‍ നന്ന്‍!- മാര്‍ഷല്‍

ഏലേലമ്മ കിണറു കുഴിച്ച കഥ- മാര്‍ഷല്‍

elelamma kinaru kuzhicha katha

കാലം പോയ പോയ പോക്ക്, കുഞ്ഞുണ്ണിക്കവിതകളുടെ ഹിന്ദി പരിഭാഷ

kunhunnikkavitha etc

പൊളിട്രിക്സ്

Image: Arvind Balaraman / FreeDigitalPhotos.net

‘തമസോ മാ ജ്യോതിര്‍ഗ്ഗമയ! ‘, ഈ മന്ത്രം ആര്‍ഷഭാരതത്തിന്റെ മൂല മന്ത്രങ്ങളില്‍ ഒന്നാണ്. ഇരുട്ടിനെ അകറ്റി വെളിച്ചത്തെ സ്വാംശീകരിക്കുക! എത്ര നല്ല ഒരു സംകല്പം. ഭാരതഭൂവില്‍ കടന്നു വന്ന എല്ലാ സമൂഹങ്ങളും ഈ സങ്കല്പത്തെ ഉള്‍ക്കൊണ്ടിരുന്നു എന്നുള്ളതും നിസ്സന്ദേഹമായ ഒരു സംഗതിയാണ്.
എന്നാല്‍ ഇപ്പോള്‍ പൊതുവായി ഭാരതഖണ്ഡം മുഴുവനുമുള്ളതും , വിശിഷ്യ അതിന്റെ തെക്കേ അറ്റത്ത് സ്ഥിതിചെയ്യുന്ന കേരളത്തില്‍ ഉടനീളമുള്ളതുമായ ജനാവലിയിലെ ഭൂരിഭാഗവും പേര്‍ അന്തകാരത്തില്‍ വിഹരിക്കുന്നു എന്നുള്ളതാണ് പരമാര്‍ത്ഥം. ചിലര്‍ കണ്ണടച്ച് ഇരിട്ടിലാണ്ട് , ഞാനൊന്നുമറിഞ്ഞില്ലേ രാമ നാരായണാ,എന്നവണ്ണം വെറുതെ കുത്തിയിരിക്കുകയും ചെയ്യുന്നു.!
ഈയിടെ ഞാന്‍ ചെവിക്കൊണ്ട ഒരു നാട്ടു വര്‍ത്തമാനം കുറിക്കട്ടെ:
നമ്മുടെ ഇപ്പോഴത്തെ ഭരണം എങ്ങിനെ ഉണ്ടഡോ?
തരക്കെടില്ല! ആര്‍ക്കു എന്തു തോന്ന്യാസോം , കുരുത്തക്കേടും , നല്ലതോ ചീത്തയോ എന്നു നോക്കാതെ, എവിടെ വേണെങ്കിലും , എപ്പ വേണെങ്കിലും ചെയ്യാം എന്നായിട്ടുണ്ട്. ബഹു ഭൂരിപക്ഷം വരുന്ന സാധാരണക്കാരന് അതല്ലേ ഒരു സുഖം? എല്ലാര്‍ക്കും വാളെടുക്കാം, വെളിച്ചപ്പെടാം; ഹിയ്യേയ് യ് യ് … ‘ന്നു കോമരം തുള്ളാം ! ആരും ഒന്നും ചോദിക്കാനില്ല; പറയാനില്ല; എതിര്‍ക്കാനില്ല; ഒരക്ഷരം ഉരിയാടാനില്ല!
ഇതിനുമുമ്പേത്തെ ഭരണകാലത്തോ?
ഈ അവസ്ഥ അപ്പളും ഇങ്ങന്ന്യാര്‍ന്നൂന്ന് വെയ്ക്ക്യാ!
അതിനു മുമ്പത്ത്യോ?
അന്നും അങ്ങിനെത്തന്നെ!
അപ്പോള്‍ ഈ സദ് വൃത്തി തുടങ്ങീട്ട് കുറേകാലായി, അല്ലേ?
ഉവ്വ്! ഇന്ത്യക്ക് സ്വാതന്ത്ര്യം കിട്ടിയിട്ട് ഒരു പത്തു കൊല്ലമായ സമയം മുതല്‍ തുടങ്ങിയതാണ് നമ്മുടെ ഈദൃശമായ ചരം; ചരാചരം! പിന്നെ അതങ്ങട് ഭേദപ്പെട്ടു ഭേദപ്പെട്ട് ഇത്രത്തോളം ആയിരിക്കുണൂ!
നിത്യേന നാം കാണുന്നത് , കേള്‍ക്കുന്നത്, അറിയുന്നത്, പറയുന്നത്, വായിക്കുന്നത് :
അടിപിടി ഹര്‍ത്താല്‍ ബന്ദ് സത്യാഗ്രഹം, പണിമുടക്ക്.അതിനെത്തുടര്‍ന്ന് പൊതുവാഹനങ്ങള്‍ എന്നിവ കത്തിക്കല്‍.
വെട്ട് , കുത്ത്, പിടിച്ചുപറി, വെടിവെപ്പ്, ബാങ്കു കവര്‍ച്ച.ദമ്പതിമാരെ റോഡില്‍ തടഞ്ഞു നിര്‍ത്തി ആക്രമിക്കല്‍!
ബലാത്സംഗം,പെണ്‍ വാണിഭം , ബാലികമാരെ പീഡിപ്പിച്ചശേഷം ഞെക്കിക്കൊല്ലല്‍.
ഒരുകൂട്ടം ഹൈന്ദവ സംന്യാസി/സംന്യാസിനിമാര്‍ എന്നു സ്വയം പറഞ്ഞവതരിപ്പിച്ച്, അനുഗാമികളേയും ശിഷ്യന്മാരേയും ആരാധകന്മാരേയും ആരാധികമാരേയും കൂടപ്പൊറുപ്പുകാരേയും കൂട്ടിനുചേര്‍ത്ത് അനാശാസ്യപ്രവര്‍ത്തനങ്ങളിലും, സാമൂഹ്യ വിരുദ്ധ നടപടികളിലും പങ്കാളികളായി ജനദ്രോഹവും രാജ്യദ്രോഹവും നടത്തല്‍. ഹിന്ദുക്കള്‍ മാത്രമല്ല , മുസ്ലിം പുരോഹിതരെന്നു ചമയുന്നവരും, ചില കൃസ്ത്യാനി പുരോഹിതരും ഇത്തരം കൃത്യങ്ങളില്‍ പങ്കെടുക്കുന്നുണ്ട്, എന്നും നാം വായിച്ചു വരുന്നു.
രാജവീഥികളിലും, പൊതുപാതകളിലും തലങ്ങും വെലങ്ങും അപകടങ്ങള്‍ പതിയിരിക്കുകയാണ്. ഏറ്റവും കൂടുതല്‍ ജനദ്രോഹം ചെയ്യുന്നത് ചെറുപ്പക്കാരായ ടിപ്പര്‍വണ്ടിയോട്ടികളും , അടുത്തത് അവരുടെ തലമുറക്കാരായ ആന ഓട്ടികളുമാണ്! ദിനം പ്രതി ഒരുപാട് അപകട മരണങ്ങളും , മുറിവുകളും, ചതവുകളും ,അപായങ്ങളും നടമാടിക്കൊണ്ടേയിരിക്കുന്നു ! ഗതാഗത നിയന്ത്രണത്തിന്ന് നിയമിതരായവര്‍ക്ക് ഒരു ചുക്കും ചെയ്യാന്‍ കഴിയുന്നില്ല; അഥവാ അവര്‍ ഒരു ചുണ്ണാമ്പും ചെയ്യുന്നുമില്ല ![ പിടിക്കപ്പെടുന്നവരെ ഞെക്കിപ്പിഴിഞ്ഞ് ഉള്ളതു മുഴുവന്‍ ചോര്‍ത്തിയെടുത്തശേഷം വെറുതെ വിടുകയാണ്; കേസുകള്‍ എടുത്ത് ശിക്ഷാ നടപടികള്‍ കൈക്കൊള്ളുന്നില്ലാ ത്തതാണ് ഇതിനൊക്കെ പ്രധാന കാരണം എന്ന് ചില കാരണവന്മാരെങ്കിലും മുക്കിലും മൂലയിലും കുത്തിയിരുന്നുകൊണ്ട് പറയുന്നു; അതിലൊന്നും ഒരു കഴമ്പുമില്ലെന്ന് മറ്റോരും പറയുന്നു.]
സംസ്ഥാനത്തുടനീളം ഭൂമിയിടപാടുകളും , അതേച്ചൊല്ലി അതിഭയങ്കര തര്‍ക്കങ്ങളും , കുടിയൊഴിപ്പിക്കലുകളും, പിന്നീട് കുടിയധിവസിപ്പിക്കലുകളും നടമാടുന്നത് !
അസമയത്തെ അധിവൃഷ്ടി, അനാവൃഷ്ടി, വരള്‍ച്ച എന്നിവ പതിവായിരിക്കുന്നത് [ഇനി യിപ്പോള്‍ പ്രകൃതി മാത്രമായി ഒന്നും ബാക്കി വെയ്ക്കേണ്ട!]
നോക്കുകൂലി എന്ന വേണ്ടാതീനം അവതരിപ്പിച്ച് കുറേ തൊഴിലെടുക്കാത്ത ബൂര്‍ഷ്വാസിവര്‍ഗ്ഗകര്‍ സാധാരണ ജനാവലികളെ പിഴിഞ്ഞും പീഡിപ്പിച്ചും സ്വൈരജീവിതം അലങ്കോലപ്പെടുത്തുന്നത് !
ഭരണകൂടത്തിന്റെ ഏതു തലത്തിലേയും ഏതൊരു കാര്യാലയത്തിലേയും , ഏതു ലാവണത്തിലേയും വലിയൊരു ശതമാനം ഗുമസ്ഥവര്‍ഗ്ഗം കെടുകാര്യസ്ഥതയില്‍ അഭിരമിക്കുകയും , ഫയലുകള്‍ മറച്ചു വെയ്ക്കുകയോ അഥവാ അവയെ തീണ്ടാതിരിക്കുകയോ ചെയ്യുന്നു. തീണ്ടണമെങ്കില്‍ കോഴപ്പണം വാള്‍ത്തലപ്പത്തു വെയ്ക്കണമെന്ന് അവരാരും പറയുകയില്ല; പക്ഷേ അറിയേണ്ടുന്നവര്‍ അതറിഞ്ഞു പ്രവൃത്തിക്കേണ്ടിയിരുക്കുന്നു! മറിച്ചായാല്‍ ഫയല്‍സ്തംഭനം ഉറപ്പാണെന്ന് ജനാവലി അറിയുന്നു! [വെളിച്ചപ്പാടുകള്‍ക്ക് വാള്‍ത്തലപ്പത്താണ്പണം വയ്ക്കുക , അതു കൊണ്ടാണ് ഈ പദം ഇവിടെ ഉപയോഗിച്ചത്. അവര്‍ ദൈവങ്ങളുടെ കോമരങ്ങളല്ലേ? ദൈവങ്ങള്‍ക്ക് നേരിട്ട് പണം വാങ്ങാന്‍ പറ്റുകയില്ലല്ലോ? ഒരു പ്രതിനിധി എല്ലാറ്റിനും ആവശ്യമാണല്ലോ?]
‘കുളിപ്പിച്ച് കുളിപ്പിച്ച് കുട്ടിയില്ല്യണ്ട്യായി’, എന്ന ചൊല്ലിന്മണ്ണം , കൃഷി ചെയ്ത് കൃഷിചെയ്ത് നെല്‍കൃഷി നിലച്ചുപോയിക്കൊണ്ടിരിക്കുന്നു എന്ന അവസ്ഥയിലേക്ക് കേരളം കേറിക്കൊണ്ടിരിക്കുന്നു !കൃഷിവകുപ്പിലെ ഗ്രാമതല ഉദ്യോഗസ്ഥര്‍ കസേരകളില്‍ വെള്ളക്കോളറുകള്‍ അണിഞ്ഞ് ഞെളിഞ്ഞിരുന്ന് കോള്‍ കൃഷി ചെയ്യുന്നു! കൃഷിക്കു അനുവദിച്ചു വരുന്ന കോളുകളെല്ലാം ഒതുക്കി , അവയെ അല്പാല്പം വളരെ വേണ്ടപ്പെട്ടവര്‍ക്കു നല്‍കി , പങ്കിട്ട് , താനും ഒരു പങ്ക് പങ്കക്കേടില്ലാതെ പറ്റിയും വരുന്നു ! അങ്ങിനെ നെല്‍കൃഷി സമീപ കാലത്ത് അന്യം വന്നു പോകുവാന്‍ തുടക്കമിട്ടിരിക്കുന്നു. [ ഈയിടെ നാട്ടിന്‍ പുറത്തെ ഒരു കര്‍ഷകന്‍ പറയുകയുണ്ടായി : നൊമ്മടെ ഗ്രാമത്തിലെ തലമൂത്ത ഒരു കര്‍ഷകനെ പിടിച്ച് ഈ കൃഷി ഓഫീസിലിരുത്തിയാല്‍ അങ്ങ്വാര് ഓടി നടന്ന് നമുക്കുവേണ്ടി എന്തേങ്കിലും ചെയ്തു തരുമായിരുന്നു. കൃഷി വകുപ്പിലിരിക്കാന്‍ യോഗ്യതക്ക് ഡിഗ്രിയല്ല നോക്കേണ്ടത് , നേരേ മറിച്ച് അവന് കൃഷി ചെയ്യാനും ,ചെയ്യിക്കാനും വൈദഗഗ്ദ്ധ്യവും താല്പര്യവും ഉണ്ടോ എന്നുള്ളതാണ്. ഇവന്മാരൊക്കെ വെറും പോക്കാ! ഈ വാസ്തവം നമുക്ക് സ്വീകരിക്കുകയോ തിരസ്കരിക്കുകയോ ആവാം!!]
പുഴകളായ പുഴകളില്‍ നിന്നു മണല്‍ മുഴുവനും കോരിയെടുത്തുകഴിഞ്ഞിരിക്കുന്നു. പാടശേഖരങ്ങളില്‍ നിന്നു മണ്ണു മുഴുവനും നീക്കം ചെയ്തുകൊണ്ടിരിക്കുന്നു. പാറക്കൂട്ടങ്ങളും മലകളും പൊട്ടിച്ച് പൊട്ടിച്ച് കുട്ടിച്ചുവരാക്കിക്കഴിഞ്ഞിരിക്കുന്നു! ഇനി പ്രകൃതിയെ ഇതിന്മേലെ മാനഭംഗപ്പെടുത്താനില്ലാത്തവണ്ണം എല്ലാം ചെയ്തുകഴിഞ്ഞിരിക്കുന്നു. ഇതിനെല്ലാം ഒത്താശ ചെയ്തുവരുന്നത് തദ്ദേശ സ്വയം ഭരണ സമിതികളും മറ്റു ഉദ്യോഗം നടത്തിപ്പുകാരും, അന്യഥ ഒരു ഉദ്യോഗവും ഇല്ലാത്തവരും, ഉദ്യോഗം നോക്കാത്തവരും ആണെന്ന് നാട്ടുകാരെല്ലാം അറിയുന്നു; പക്ഷേ കിം ഫലം?
“ അജ്ഞാന തിമിരാന്തസ്യ ജ്ഞാനാഞ്ജന ശലാകയാ,
ചക്ഷുരുന്മീലിതം യേന തസ്മൈ ശ്രീ ഗുരവേ നമ:“
എന്ന് നീതിസാരത്തില്‍ ഒരിടത്ത് പറയുന്നുണ്ട്. അജ്ഞാന മാകുന്ന അന്ധകാരത്തെ അകറ്റുവാന്‍ വെളിച്ചം വീഴിക്കുകയാണ് വിദ്യാഭ്യാസം കൊണ്ട് സാധിക്കുന്നത്. അതു സാധിച്ചുതരുന്നത് ഗുരുവാണ് . ഗുരുക്കന്മാരെ ഗുരുവൃത്തിക്ക് തിരഞ്ഞെടുക്കുന്നതില്‍ ഒരുപാടുപിഴവുകള്‍ വന്നുചേരുന്നതായി ജനസമൂഹം അറിയുന്നുണ്ടെങ്കിലും പൊതുജനത്തിന് ഒന്നും ചെയ്യുവാന്‍ കഴിയുന്നില്ല എന്നതാണ് സത്യം! അവര്‍ അന്നു പടച്ചുവിട്ടിട്ടുള്ള അന്നത്തെ പിള്ളരാണ് ഇന്ന് നമ്മുടെ യുവജനം എന്നു പറയുന്ന , അവരിലെ 30 ശതമാനം പേരും. യുവജനങ്ങളടങ്ങുന്ന നമ്മുടെ ജനസമൂഹത്തിലെ കുറേ പേര്‍ ഏര്‍പ്പെട്ടുകൊണ്ടിരിക്കുന്ന ഹീന വൃത്തികള്‍ക്കു കാരണം അവരുടെ കുറഞ്ഞതോതിലുള്ള നന്മ ബോധവും , സമൂഹത്തോടുള്ള അളവു കുറഞ്ഞ കൂറും, ചെയ്യുന്ന പ്രവൃത്തികളില്‍ അളവു കുറഞ്ഞ പ്രതിബദ്ധതയുമാണ്! അതിന്റെ അളവ് അവരില്‍ വര്‍ദ്ധിപ്പിച്ചെടുക്കണമെങ്കില്‍ അവരില്‍ അവബോധം ചെലുത്തണം. അതു വിദ്യാഭ്യാസം കൊണ്ടു സാധിക്കാം. അതേ വിധം നിയമപാലന പ്രകൃയ കൊണ്ടും സാധിക്കാം. ഈ രണ്ടും ഭരണ കൂടത്തിന്റെ കര്‍ത്ത്യവുമാണ്! സിലബസും പാഠ്യപുസ്തകങ്ങളും നിര്‍മ്മിക്കുന്നത് വിദ്യാവിചക്ഷണരും രാഷ്ട്രബോധമുള്ള മഹല്‍ വ്യക്തികളും ചേര്‍ന്നായിരിക്കണം. ഇപ്പോഴത്തെ തലമുറയുടെ പ്രവര്‍ത്തന ശൈലി അവര്‍ 25-30 കൊല്ലം മുമ്പ് അഭ്യസിച്ച വിദ്യയുടെ പ്രീതമോ, വിപരീതമോ ആയ രീതിയുടെ ഫല സിദ്ധികൂടിയാണ് ! ഒരു ക്ഷേമ രാഷ്ട്രത്തെ കെട്ടിപ്പടുക്കുവാന്‍ ഭരണ കൂടത്തിന്ന്‍ ദീര്‍ഘ ദൃഷ്ടിയുടെ ആവശ്യമുണ്ട്. അതു കണ്ടെത്താനും , പ്രായോഗിതയില്‍ കൊണ്ടു വരാനും എപ്പോഴത്തേയും ഭരണ സാരഥികള്‍ക്കും സമസ്ത ഗുമസ്ഥവര്‍ഗ്ഗത്തിനും കടപ്പാടുണ്ട്. അതിന്ന് വ്യതിയാനമോ , മൂല്യ ഭ്രംശമോ സംഭവിക്കുമ്പോഴാണ് ജന ജീവിതത്തിന്ന് ക്രമക്കേടുകള്‍ സംഭവിക്കുന്നതും, സ്വൈര ജീവിതം താറുമാറാകുന്നതും !
ഇത്തരുണത്തില്‍ കരണീയമായത് അരാജകത്വമെന്നു തോന്നുന്ന ഓരോ കാര്യങ്ങളേയും എല്ലാ തലങ്ങളിലേയും ഭരണാധികാരികള്‍ വിലയിരുത്തി, കാര്യകാരണങ്ങള്‍ ഉരുത്തിരിച്ച് അവകളെ വിലക്കാനും, മറികടക്കാനും , അങ്ങിനെ ജനക്ഷേമം പുനരുദ്ധരിക്കാനും ശ്രമിക്കേണ്ടിയിരിക്കുന്നു എന്നുള്ളതാണ് ! ഈ ശ്രമത്തില്‍ രാഷ്ട്രീയ മുണ്ടാകരറുത് ;പൊളിട്രിക്സ് ഉണ്ടാകരുത്; മീമാംസ മാത്രമേ ഉണ്ടാകാന്‍ പാടൂ ! വന്ദേ മാതരം! !!ജയ് ജവാന്‍ ജയ് കിസാന്‍!!!