Posts tagged ‘Marshal Kathakal’

മീമാംസ അഥവാ പൊളിറ്റിക്സ്- മാര്‍ഷല്‍ കഥകള്‍

മീമാംസ

തമസോ മാ ജ്യോതിര്‍ഗ്ഗമയ! ‘, ഈ മന്ത്രം ആര്‍ഷഭാരതത്തിന്റെ മൂല മന്ത്രങ്ങളില്‍ ഒന്നാണ്. ഇരുട്ടിനെ അകറ്റി വെളിച്ചത്തെ പ്രാപിക്കുക! എത്ര നല്ല ഒരു സംകല്പം. ഭാരതഭൂവില്‍ കടന്നു വന്ന എല്ലാ സമൂഹങ്ങളും ഈ സങ്കല്പത്തെ ഉള്‍ക്കൊണ്ടിരുന്നു എന്നുള്ളതും നിസ്സന്ദേഹമായ ഒരു വാസ്ഥവമാണ്.

എന്നാല്‍ ഇപ്പോള്‍ പൊതുവായി ഭാരതഖണ്ഡം മുഴുവനുമുള്ളതും , വിശിഷ്യ അതിന്റെ തെക്കേ അറ്റത്തെ കേരളത്തില്‍ ഉടനീളമുള്ളതുമായ ജനാവലിയിലെ ഭൂരിഭാഗവും പേര്‍ അന്തകാരത്തില്‍ വിഹരിക്കുന്നു എന്നുള്ളതാണ് പരമാര്‍ത്ഥം. ചിലര്‍ കണ്ണടച്ച് ഇരിട്ടിലാണ്ടു പോകുന്നതും ചെയ്തുവരുന്നുണ്ട്!

ഈയിടെ ഞാന്‍ ചെവിക്കൊണ്ട ഒരു നാട്ടു വര്‍ത്തമാനം കുറിക്കട്ടെ:

നമ്മുടെ ഇപ്പോഴത്തെ ഭരണം എങ്ങിനെ ഉണ്ടഡോ?

തരക്കെടില്ല! ആര്‍ക്കു എന്തും, തോന്ന്യാസോം , കുരുത്തക്കേടും , നല്ലതും , ചീത്തയും ഒക്കെ എവിടെ വേണെങ്കിലും , എപ്പ വേണെങ്കിലും ചെയ്യാം എന്നായിട്ടുണ്ട്. ബഹു ഭൂരിപക്ഷം വരുന്ന സാധാരണക്കാരന് അതല്ലേ ഒരു സുഖം? എല്ലാര്‍ക്കും വാളെടുക്കാം, വെളിച്ചപ്പെടാം; ഹിയ്യേയ് യ് യ് … ‘ന്നു കൂവ്വാം ! ആരും ഒന്നും ചോദിക്കാനില്ല; പറയാനില്ല; എതിര്‍ക്കാനില്ല; ഒരക്ഷരം ഉരിയാടാനില്ല!

ഇതിനുമുമ്പേത്തെ ഭരണകാലത്തോ?

ഈ അവസ്ഥ അപ്പളും ഇങ്ങന്ന്യാര്‍ന്നൂന്ന് വെയ്ക്ക്യാ!

അതിനു മുമ്പത്ത്യോ?

അന്നും അങ്ങിനെത്തന്നെ!

അപ്പോള്‍ ഈ സദ് വൃത്തി തുടങ്ങീട്ട് കുറേകാലായി, അല്ലേ?

ഉവ്വ്! ഇന്ത്യക്ക് സ്വാതന്ത്ര്യം കിട്ടീട്ട് ഒരു പത്തു കൊല്ലായിത്തുടങ്ങിയപ്പോള്‍ നമ്മുടെ ദിശി ഈ ദൃശം ചരിക്കാന്‍ തുടങ്ങീട്ടുള്ളതാ; പിന്നെ അതങ്ങട് ഭേദപ്പെട്ടു ഭേദപ്പെട്ട് ഇത്രത്തോളം ആയിരിക്കുണൂ!

നിത്യേന നാം കാണുന്നത് , കേള്‍ക്കുന്നത്, അറിയുന്നത്, പറയുന്നത്, വായിക്കുന്നത് :

  • അടിപിടി ഹര്‍ത്താല്‍ ബന്ദ് സത്യാഗ്രഹം, പണിമുടക്ക്.അതിനെത്തുടര്‍ന്ന് പൊതുവാഹനങ്ങള്‍ എന്നിവ കത്തിക്കല്‍.

  • വെട്ട് കുത്ത്, പിടിച്ചുപറി, വെടിവെപ്പ്, ബാങ്കു കവര്‍ച്ച.ദമ്പതിമാരെ റോഡില്‍ തടഞ്ഞു നിര്‍ത്തി ആക്രമിക്കല്‍!
  • ബലാത്സംഗം,പെണ്‍ വാണിഭം(എന്ന കുംഭകൌപീനങ്ങള്‍), ബാലികമാരെ പീഡിപ്പിച്ചശേഷം ഞെക്കിക്കൊല്ലല്‍.
  • ഒരുകൂട്ടം ഹൈന്ദവ സംന്യാസി/സംന്യാസിനിമാര്‍ എന്നു സ്വയം പറഞ്ഞു , അവതരിപ്പിച്ച്,അനുഗാമികളേയും ശിഷ്യന്മാരേയും ആരാധകന്മാരേയും ആരാധികമാരേയും കൂടപ്പൊറുപ്പുകാരേയും കൂട്ടിനുചേര്‍ത്ത് അനാശാസ്യപ്രവര്‍ത്തനങ്ങളിലും, സാമൂഹ്യ വിരുദ്ധ നടപടികളിലും പങ്കാളികളാക്കി ജനദ്രോഹവും രാജ്യദ്രോഹവും നടത്തല്‍. ഹിന്ദുക്കള്‍ മാത്രമല്ല , മുസ്ലിം പുരോഹിതരെന്നു ചമയുന്നവരും, ചില കൃസ്ത്യാനി പുരോഹിതരും ഇത്തരം കൃത്യങ്ങളില്‍ പങ്കെടുക്കുന്നുണ്ട്!

  • രാജവീഥികളിലും, പൊതുപാതകളിലും തലങ്ങും വെലങ്ങും അപകടങ്ങള്‍ പതിയിരിക്കുകയാണ്. ഏറ്റവും കൂടുതല്‍ ജനദ്രോഹം ചെയ്യുന്നത് ചെറുപ്പക്കാരായ ടിപ്പര്‍വണ്ടിയോട്ടികളും , അടുത്തത് അവരുടെ തലമുറക്കാരായ ആന യോട്ടികളുമാണ്! പ്രൈവറ്റ് ബസ്സോട്ടികളും ഇടക്കും തലക്കുമുണ്ട് എന്നത് മറ്റോര്‍ക്ക് സമാധാനിക്കം! ദിനം പ്രതി ഒരുപാടു അപകട മരണങ്ങളും , മുറിവുകളും, ചതവുകളും ,അപായങ്ങളും നടമാടിക്കൊണ്ടേയിരിക്കുന്നു ! ഗതാഗത നിയന്ത്രണത്തിന്ന് നിയമിതരായവര്‍ക്ക് ഒരു ചുക്കും ചെയ്യാന്‍ കഴിയുന്നില്ല; അഥവാ അവര്‍ ഒരു ചുണ്ണാമ്പും ചെയ്യുന്നുമില്ല !

  • സംസ്ഥാനത്തുടനീളം ഭൂമിയിടപാടുകളും , അതേച്ചൊല്ലി അതിഭയങ്കര തര്‍ക്കങ്ങളും , കുടിയൊഴിപ്പിക്കലുകളും, പിന്നീട് കുടിയധിവസിപ്പിക്കലുകളും നടമാടുന്നത് !

  • അസമയത്തെ അധിവൃഷ്ടി, അനാവൃഷ്ടി, വരള്‍ച്ച എന്നിവ പതിവായിരിക്കുന്നത് [ഇനി യിപ്പോള്‍ പ്രകൃതി മാത്രമായി ഒന്നും ബാക്കി വെയ്ക്കേണ്ട!]
  • നോക്കുകൂലി എന്ന വേണ്ടാതീനം അവതരിപ്പിച്ച് കുറേ തൊഴിലെടുക്കാത്ത ബൂര്‍ഷ്വാസിവര്‍ഗ്ഗകര്‍ സാധാരണ ജനങ്ങളെ പിഴിഞ്ഞും പീഡിപ്പിച്ചും സ്വൈരജീവിതം അലങ്കോലപ്പെടുത്തുന്നത് !

  • ഭരണകൂടത്തിന്റെ ഏതു തലത്തിലേയും ഏതൊരു കാര്യാലയത്തിലേയും , ഏതു ലാവണത്തിലേയും വലിയൊരു ശതമാനം ഗുമസ്ഥവര്‍ഗ്ഗം കെടുകാര്യസ്ഥതയില്‍ അഭിരമിക്കുകയും , ഫയലുകള്‍ മറച്ചു വെയ്ക്കുകയോ അഥവാ അവയെ തീണ്ടാതിരിക്കുകയോ ചെയ്യുന്നു. തീണ്ടണമെങ്കില്‍ കോഴപ്പണം വാള്‍ത്തലപ്പത്തു വെയ്ക്കണമെന്ന് അവരാരും പറയുകയില്ല; പക്ഷേ അറിയേണ്ടുന്നവര്‍ അതറിഞ്ഞു പ്രവൃത്തിക്കേണ്ടിയിരുക്കുന്നു!അല്ലെങ്കില്‍ ഫയല്‍ സ്തംഭനം ഉറപ്പാണെന്ന് ജനാവലി അറിയുന്നു! [വെളിച്ചപ്പാടുകള്‍ക്ക് വാള്‍ത്തലപ്പത്താണ് പണം വെക്കുക പതിവ്; അതുകൊണ്ടാണ് ഈ പ്രയോഗം ഉപയോഗിച്ചത്! അവര്‍ ദൈവങ്ങളുടെ കോമരമല്ലേ , ദൈവങ്ങള്‍ക്ക് നേരിട്ട് പണം വാങ്ങാന്‍ പറ്റുകയില്ലല്ലോ? ഒരു പ്രതിനിധി ആവശ്യമല്ലേ?]

  • കുളിപ്പിച്ച് കുളിപ്പിച്ച് കുട്ടിയില്ല്യാണ്ട്യായി’, എന്ന ചൊല്ലിന്മണ്ണം , കൃഷി ചെയ്ത് കൃഷിചെയ്ത് നെല്‍കൃഷി നിലച്ചുപോയിക്കൊണ്ടിരിക്കുന്നു എന്ന അവസ്ഥയിലേക്ക് കേരളം വലിഞ്ഞു കേറിക്കൊണ്ടിരിക്കുന്നു !കൃഷിവകുപ്പിലെ ഗ്രാമതല ഉദ്യോഗസ്ഥര്‍ കസേരകളില്‍ വെള്ളക്കോളറുകള്‍ അണിഞ്ഞിരുന്ന് കോള്‍ കൃഷി ചെയ്യുന്നു! കൃഷിക്കു അനുവദിച്ചു വരുന്ന കോളുകളെല്ലാം ഒതുക്കി , അവയെ അല്പാല്പം വളരെ വേണ്ടപ്പെട്ടവര്‍ക്കു മാത്രം നല്‍കി , പങ്കിട്ട് , താനും ഒരു പങ്ക് പങ്കക്കേടില്ലാതെ പറ്റിവരുന്നു ! അങ്ങിനെ നെല്‍കൃഷി സമീപ കാലത്ത് അന്യം വന്നു പോകാന്‍ തുടക്കമിട്ടിരിക്കുന്നു. [ഈയിടെ നാട്ടിന്‍പുറത്തെ ഒരു കര്‍ഷകന്‍ പറയുകയുണ്ടായി: നൊമ്മടെ ഗ്രാമത്തിലെ തലമൂത്ത ഒരു കര്‍ഷകനെ പിടിച്ച് ഈ ഏലമോഫീസിലിരുത്തിയാല്‍ അങ്ങ്വാര് ഓടി നടന്ന് നമുക്കു വേണ്ടി എന്തേങ്കിലും ചെയ്തു തരുമായിരുന്നു. കൃഷിവകുപ്പിലിരിക്കാന്‍ യോഗ്യതക്ക് ഡിഗ്രിയല്ല നോക്കേണ്ടത് , നേരേമറിച്ച് അവന് കൃഷി ചെയ്യാനും ചെയ്യിക്കാനും വൈദഗ്ദ്ധ്യവും താല്പര്യവും ഉണ്ടോ എന്നുള്ളതാണ്. ഇബറ്റയൊക്കെ വെറും പോക്കാ!!]

  • പുഴകളായ പുഴകളില്‍ നിന്നു മണല്‍ മുഴുവനും കോരിയെടുത്തുകഴിഞ്ഞിരിക്കുന്നു. പാടശേഖരങ്ങളില്‍ നിന്നു മണ്ണു മുഴുവനും നീക്കം ചെയ്തുകൊണ്ടിരിക്കുന്നു. പാറക്കൂട്ടങ്ങളും മലകളും പൊട്ടിച്ച് പൊട്ടിച്ച് കുട്ടിച്ചുവരാക്കിക്കഴിഞ്ഞിരിക്കുന്നു! ഇനി പ്രകൃതിയെ ഇതിന്മേലെ ബലാത്സംഗം ചെയ്യാനില്ലാത്തവണ്ണം എല്ലാം ചെയ്തുകഴിഞ്ഞിരിക്കുന്നു. ഇതിനെല്ലാം ഒത്താശ ചെയ്തുവരുന്നത് തദ്ദേശ സ്വയം ഭരണ സമിതികളും മറ്റു ഉദ്യോഗം നടത്തിപ്പുകാരും, വേറെ ഒരു ഉദ്യോഗവും ഇല്ലാത്തവരും, ഉദ്യോഗം നോക്കാത്തവരും ആണെന്ന് നാട്ടുകാരെല്ലാം അറിയുന്നു; പക്ഷേ എന്തു ഫലം?

     

അജ്ഞാന തിമിരാന്തസ്യ ജ്ഞാനാഞ്ജന ശലാകയാ,

ചക്ഷുരുന്മീലിതം യേന തസ്മൈ ശ്രീ ഗുരവേ നമ: “ എന്ന് നീതിസാരത്തില്‍ ഒരിടത്ത് പറയുന്നുണ്ട്. അജ്ഞാന മാകുന്ന അന്ധകാരത്തെ മാറ്റുവാന്‍ വെളിച്ചം വീഴിക്കുകയാണ് വിദ്യാഭ്യാസം കൊണ്ട് സാധിക്കുന്നത്. അതു സാധിച്ചുതരുന്നത് ഗുരുവാണ് . ഗുരുക്കന്മാരെ ഗുരുവൃത്തിക്ക് തിരഞ്ഞെടുക്കുന്നതില്‍ ഒരുപാടുപിഴവുകള്‍ വന്നുചേരുന്നതായി ജനസമൂഹം അറിയുന്നുണ്ടെങ്കിലും പൊതുജനത്തിന് ഒന്നും ചെയ്യുവാന്‍ കഴിയുന്നില്ല എന്നതാണ് സത്യം! അവര്‍ അന്നു പടച്ചുവിട്ടിട്ടുള്ള അന്നത്തെ പിള്ളരാണ് ഇന്ന് നമ്മുടെ യുവജനം എന്നു പറയുന്ന , ജനാവലിയിലെ 30 ശതമാനം പേരും. ഈ യുവജനങ്ങളടങ്ങുന്ന നമ്മുടെ ജനസമൂഹത്തിലെ കുറേ പേര്‍ ഏര്‍പ്പെട്ടുകൊണ്ടിരിക്കുന്ന ഹീന വൃത്തികള്‍ക്കു കാരണം അവരുടെ കുറഞ്ഞതോതിലുള്ള ധര്‍മ്മ ബോധവും , സമൂഹത്തോടുള്ള അളവു കുറഞ്ഞ കൂറും, അളവു കുറഞ്ഞ പ്രതിബദ്ധതയുമാണ്! അതിന്റെ അളവ് അവരില്‍ വര്‍ദ്ധിപ്പിച്ചെടുക്കണമെങ്കില്‍ അവരില്‍ അവബോധം ചെലുത്തണം. ഇത് രണ്ടു വിധത്തില്‍ സാധിച്ചെടുക്കാം: 1. വിദ്യാഭ്യാസം കൊണ്ടും, 2.നിയമപാലന പ്രകൃയ കൊണ്ടും . ഈ രണ്ടും ഭരണ കൂടത്തിന്റെ കര്‍ത്ത്യവുമാണ്! സിലബസും പാഠ്യപുസ്തകങ്ങളും നിര്‍മ്മിക്കുന്നത് വിദ്യാവിചക്ഷണരും രാഷ്ട്രബോധമുള്ള മഹല്‍ വ്യക്തികളും ചേര്‍ന്നായിരിക്കണം.

ഇപ്പോഴത്തെ തലമുറയുടെ പ്രവര്‍ത്തന ശൈലി അവര്‍ 25-30 കൊല്ലം മുമ്പ് അഭ്യസിച്ച വിദ്യയുടെ പ്രീതമോ, വിപരീതമോ ആയ രീതിയുടെ ഫല സിദ്ധികൂടിയാണ് ! ഒരു ക്ഷേമ രാഷ്ട്രത്തെ കെട്ടിപ്പടുക്കുവാന്‍ ഭരണ കൂടത്തിന്ന്‍ ദീര്‍ഘ ദൃഷ്ടിയുടെ ആവശ്യമുണ്ട്. അതു കണ്ടെത്താനും , പ്രായോഗിതയില്‍ കൊണ്ടു വരാനും എപ്പോഴത്തേയും ഭരണ സാരഥികള്‍ക്കും സമസ്ത ഗുമസ്ഥവര്‍ഗ്ഗത്തിനും കടപ്പാടുണ്ട്. അതിന്ന് വ്യതിയാനമോ , മൂല്യ ഭ്രംശമോ സംഭവിക്കുമ്പോഴാണ് ജന ജീവിതത്തിന്ന് ക്രമക്കേടുകള്‍ സംഭവിക്കുന്നതും, സ്വൈര ജീവിതം താറുമാറാകുന്നതും !

ഇത്തരുണത്തില്‍ കരണീയമായത് അരാജകത്വമെന്നു തോന്നുന്ന ഓരോ കാര്യങ്ങളേയും എല്ലാ തലങ്ങളിലേയും ഭരണാധികാരികള്‍ വിലയിരുത്തി, കാര്യകാരണങ്ങള്‍ ഉരുത്തിരിച്ച് അവകളെ വിലക്കാനും, മറികടക്കാനും , അങ്ങിനെ ജനക്ഷേമം പുനരുദ്ധരിക്കാനും ശ്രമിക്കേണ്ടിയിരിക്കുന്നു എന്നുള്ളതാണ് ! ഈ ശ്രമത്തില്‍ രാഷ്ട്രീയ മുണ്ടാകരറുത് ; മീമാംസ മാത്രമേ ഉണ്ടാകാന്‍ പാടൂ ! വന്ദേ മാതരം! ജയ് ഹിന്ദ്!! ജയ് ജവാന്‍ ജയ് കിസാന്‍!!!

Advertisements

പണ്ടത്തെ ജലസേചന ഉപാധികൾ കണ്ട വിധം-മാർഷൽ

Old irrigation methods TVM

ഇൻഫ്ലേഷൻ- ഹാസ്യ കഥ- മാർഷൽ

പെട്രോൾ-1 ചാമി എഴ്ശൻ അദ്ധ്വാന ശീലനാണ്.കായിക ബലം ശോഷിച്ചിട്ടില്ലാത്ത വയോവൃദ്ധനാണ്.കന്നുപൂട്ടും, കിളക്കും, കന്നുകൾക്ക് നുഖമിണക്കും.[നുഖം എന്നു പറഞ്ഞാൽ പുതിയ തലമുറയിലെ ചെക്കന്മാർക്ക് വല്ലതും അറിയുമോ ആവോ? ആർക്കറിയാം.ഈശ്വരോ രക്ഷതു!]വിറകുവെട്ടും,വെട്ടിക്കീറി മറ്റേകൂട്ടത്തിലാക്കും,എല്ലാ വിടുപണികളും, പടുപണികളും ചെയ്യും. എന്നാൽ വൈകുന്നേരം പണി മാറ്റിയാൽ അല്പം ഭഗവത്സേവയുണ്ട്. അതില്ലാണ്ടെ പറ്റില്ല! ഷാപ്പിൽ ചെന്നു. ഇടുപ്പിൽ നിന്നും തിരുകി വെച്ചിരുന്ന രൂപയെടുത്ത് ഷാപ്പുടമയുടെ മേശപ്പുറത്തിട്ടു, പറഞ്ഞു: ഒരെഴുനൂറ്റമ്പതു മില്ലി, ട്ടോളീ.രണ്ടു കോഴിമുട്ട പൊരിച്ചതും! ഇതുകൊണ്ട് ഇരുനൂറ്റിഅമ്പതു മില്ലിയേ കിട്ടൂ എന്നായി ഷോപ്പുടമ. ഊം…. എന്താ സംഗതി? പെട്രോളിന് വെലകൂടീലേ? അതോണ്ട്?………….. അതിനുമറുപടി കടിച്ച് കുതു കുന്തം മറിഞ്ഞിരുന്ന ഒരു മദോന്മത്തനാണ് പറഞ്ഞത്!: ഫെ……ട്രോള് കത്തും. ധും…. കത്ത്….തും…ല്ലെഴാ… ചെളുക്കേ?…. അപ്പൊ…. പ്എട്രോളിന് വെല കൂഴുമ്പ്ല് ….‘ധിനും… കൂഴണ്ടേ… ഹെന്ത്???? 2- ദുഗ്ദ്ധം! നാരായണി അമ്മക്ക് മുലകുടിപ്രായമുള്ള ഒരു കുഞ്ഞുണ്ട്.കുമ്പളങ്ങകൾ രണ്ടെണ്ണമുണ്ടെങ്കിലും ഉള്ളിൽ പാലില്ല! അതിനാൽ കുഞ്ഞിനു് ടിന്നിൽ വരുന്ന പാൽ‌പ്പൊടിയാണ് പതിവാക്കിയത്. 450 ഗ്രാമിന്റെ ഒരു ടിന്ന് വെറും അഞ്ചു ദിവസം കഷ്ടിച്ച് തികയും, അഥവാ തികക്കും. ഇന്നലെ പൊടി തീരാറായപ്പോൾ ആയമ്മ തന്നെ ചുങ്കത്തേക്കു നടന്നു. കുട്ടികൃഷ്ണൻ നായരുടെ കടയിൽ കയറിച്ചെന്ന് അമൂല് ചോദിച്ചു. സ്പ്രേ അല്ലേ? അല്ല! ബേബിഫുഡ്ഡാ! ആർക്കാ? നമ്മടെ മോനന്നെ- നാരായണ്യേമ്മ നാണമന്യേ പറഞ്ഞു. കുട്ടികൃഷ്ണൻ നായരടെ മിഴികൾ കൊഴുത്ത മൃദുത്വമുള്ള മാദകത്തിലേക്ക് കഞ്ചുകം ചൂഴ്ന്നിറങ്ങി ച്ചെന്ന് ഭാരത്തെ മൃദുവായി പുൽകി തഴുകി ഞെക്കിനോക്കി! ഒരു ഡ്രോപ്പുപോലും അതിലില്ല, പോരേ! ഒരു ഡിബ്ബയെടുത്തു നീട്ടി. നാരായണി അതു വാങ്ങി , മുപ്പത്തഞ്ചു രൂപ കൊടുത്തു. ഒരു ഇരുപത്തഞ്ചും കൂടി തരിൻ, ട്ടോളൂ! അതെന്താ?ഒരു ഇരുപത്തഞ്ചും കൂടേ? പാൽ‌പ്പൊടിക്ക് വിലകൂടീട്ടോ! എന്നായി കുട്ടികൃഷ്ണൻ അതെന്താന്നും, അങ്ങിനെ? എന്നായി അയമ വീണ്ടും. പെട്രോളിന്ന് വില കൂടീല്യേ? അപ്പൊ നിങ്ങൾ പേപ്പറൊന്നും വായിക്കാറില്ലേ? എന്തൊരു സ്ത്രീയാ ഇയമ്മ?

ഹാസ്യം:ഒരു തിരിക്കഥ- മാർഷൽ

നല്ല ഒരു തിരിക്കഥ പറയാം, കേട്ടോളീ:
തിരുമേനീം ബാപ്പുക്കായും ചങ്ങാതിമാരായിരുന്നു. മതം വേറെ, ചങ്ങാത്തം വേറെ. അതു കാര്യം വേറെ , എന്നാണല്ലോ, ചൊല്ല്?പക്ഷേ ഇബരെ സംബന്ധിച്ച് അങ്ങിനെയായിരുന്നില്ല! ബാപ്പുക്കാന്റെ ബീട്ടിലു തിരുമനസ്സ് ഇടക്കും തലക്കും പൂവ്വും,. ആ ദിവസം ബാപ്പുക്കാന്റെ ബീട്ടിലു മീനോ ഇറച്ചിയോ ബെയ്ക്കൂല എന്നു മാത്രം! ഒരു ദിവസം ബാപ്പുക്ക തിരുമേനീന്റെ ഇല്ലത്തിലേക്ക് പോയി. ബൈകുന്നേരം ബരെ വിഷ്ണുതിരുമനസ്സിന്റെ ഇല്ലത്തിന്റെ തെക്കേപുരക്കില്‍ കുത്തിയിരുന്ന് ബര്‍ത്താനം പറഞ്ഞു.ചായ കുടിച്ചു, കഞ്ഞിബെള്ളം മോന്തി, രണ്ടു പേരും ബര്‍ത്താനത്തോടു ബര്‍ത്താനം തന്നെ. ഇങ്ങനേം ഉണ്ടോ ഒരു ചങ്ങാത്തോം വര്‍ത്തമാനോം , എന്നു വരെ അകത്തോലുമാര്‍,ഇടക്കിടെ എത്തി നോക്കി പറയാന്‍ തുടങ്ങി! അതൊന്നും സാരമാക്കേണ്ട! അവരിക്ക് ചങ്ങാത്തം എന്താണെന്ന് വല്ലതും നിശ്ചം ഉണ്ടോ?
സമയം പോയത് ബാപ്പുട്ടിയുമറിഞ്ഞില്ല, തിരുമേനിയുമറിഞ്ഞില്ല! ഒടുക്കം സന്ധ്യക്ക് വിളക്കുമായി വന്ന് തംബ്രാട്ടി താഴെ ഒരു തിരി വെച്ച് , ദീപം ….ദീപം… എന്നു പറഞ്ഞുംക്ലാഞ്ഞ് അകത്തേക്കു പോയി!
തിരുമേനി ബര്‍ത്താനം നിര്‍ത്തി, ‘ണീച്ചിട്ട്, കൈകൂപ്പി തൊഴുത്, ഒരു ശ്ലോകം ചൊല്ലി:
ദീപോജ്യോതി ജഗത്സ്സര്‍വ്വം,
ദീപോ ജ്യോതി ജനാര്‍ദ്ദനം
ദീപോ ഹരതു മല്‍പ്പാപം
സന്ധ്യാ ദീപം നമോസ്തുതേ!!
അതിനു ശേഷം സാഷ്ഠാംഗം നമസ്കരിച്ചു. അതും ഒരഞ്ചാറു തവണ! തൊട്ടു തലയില്‍ വെച്ച് എഴുനേറ്റു, നാരായണ, നാരായണ , എന്ന് അഞ്ചാറുവട്ടം ഉരുവിട്ടു.
ഈ സംഗതി കഴിഞ്ഞയുടനെ ബാപ്പുക്ക പറഞ്ഞു:
ഇങ്ങള് തിരുമേനീ, ഒരു തിരി കത്തണു കണ്ടിട്ട് ഇങ്ങനെ തൊഴുതു കുമ്പിട്ടാല്, ഒരു പെര കത്തണു കാണുമ്പോ എന്തായിരിക്കും സ്തിതി?
കുറേ നേരത്തിന് തിരുമേനിക്ക് ഉത്തരം മുട്ടീന്നാ തോന്നണെ, ഒന്നും മിണ്ടീല്യ പുള്ളി!
ഇത്തിരി കഴിഞ്ഞ ശേഷം നമ്പൂരി പറഞ്ഞു:
ബാപ്പുട്ടീ, നമ്മളു വര്‍ത്തമാനം പറഞ്ഞൂണ്ടിരിക്കുന്നേന്റെടയില് നാലു തവണ നിസ്കരിച്ചില്ലേ?
ഉവ്വ്!
അപ്പോ നോം വല്ലതും പറഞ്ഞ്വോ?
ഇല്ല!
ഇപ്പൊ നോം സന്ധ്യാവന്ദനം നടത്ത്യേപ്പൊ തനിക്ക് ഒരക്ഷരം പറയാന്‍ പാങ്ങിണ്ടായിരുന്ന്വോ?
ഇല്ല!
പിന്നെന്ത്യേ താന്‍ ആ പെര കത്തണ കാര്യം പറഞ്ഞേ?
ഇഞ്ഞി’ ഞമ്മള് അയിനെപറ്റി മിണ്ടിണില്ല, ‘ന്നാ പോരെ?
മതി!
അതോടെ സംഗതി അവടെ തീര്‍ന്നു!!
അനുബന്ധം: ഇങ്ങിനെ വേണം മത സൌഹാര്‍ദ്ദം! മനസ്സിലായിട്ടുണ്ടോ?

________________________________

Bachan kavithakal(mal translation by marshal)

madhushala malayalam translation

Folklore of Thiruvilwamala- marshal

Tiruvilwamala is a hamlet where i was born and grown up. Situated at Thrissur district , near River bharathapuzha,the place is also the abode of Lord Ram at the hill top temple. Rama temple over looks the entire village. It witnessed history of growth and expansion of the hamlet into virtually a state by itself as well as center of cultural uprising and evolution of fine arts and dances .
Ekaadasi of Kumbh maasam and Niramaala of kanni maasam are two importance festivities at the temple. The congregation during the occasions will be stupendous. Events of festivities are generally of highest standards and most eminent artists assemble for performance there.
To add to old folklore, a simple and unexplained episode: we had a MOOTHAN, an old man.in blackish complexion and fat , barrel shaped from chest to hip in same girth! He would dive in any water, for 30 mins non stop, and search and bring any lost gold ornaments from any depth! he was the oracle of KUNDIL AYYAPPAN! I dont think the present generation remembers him at all! how sad!
At the TVM high school ,We had one Vijayaraghava Menon , science teacher/ Masterji and a great thug at that; he wouldn’t mind giving a punch or two at the back of some tough guy students. One day he caught at the nostril of MAMMYKUTTY, a tall chap and a famous and admired runner athlete fellow, for some science thing! He, the MAMMY KUTTY,didn’t or couldn’t answer a question addressed towards him and then the nostril twist began by the science master VR Menon. Suddenly student Mammykkutty unloaded a handful of phlegm , that too as thick as half melted wax in the palm of VIJAYARAGHAVAN master. The Master ran to the tap and didn’t return that day for the rest of classes. That was the last time the science master bodily punished the guys!
More on other spots of TVM in the next article.
Further addition by marshal: My schooling at TVM (short for Tiruvilwamala) was between 1953-1961.We had language sanskrit as elective language. Pt: Narayana Iyer was the sansrit scholar and our teacher.As he would enter the class room than would scribble a poem- subhashitaani- on the black board every day. we students are supposed to note it in our note books and by-heart it for next day. He would ask any student at random to recite the previous day’s sloka and he/she had to give it out perfectly and very correctly. Any failure to do that would end up in massacre – a chooral pazham he called it!one day morning he wrote on the BB the following:ഉദേതി സവിതാ രക്തഃ, രക്ത മേവ അസ്തമേതിച!, സമ്പത്തൌ ച വിപത്തൌ ച , സമ ഭാവ മനസ്വിനാഃ!! അര്‍ഥാത്- ഉദിക്കുമ്പോഴും സൂര്യന്നു ചുവപ്പു വര്‍ണ്ണം, അസ്തമന സമയത്തുംസൂര്യന്ന് രക്ത വര്‍ണ്ണം!അതേ വിധം‍, സമ്പത്തുകാലത്തും ആപത്തുകാലത്തും മഹാന്മാര്‍ ഒരേ മനോനില തന്നെ നിലനിര്‍ത്തുന്നു! മലയിളകിലും മഹാജനാനാം മനമിളകാ, എന്നുമുണ്ടല്ലോ?the next day it was a bright VRISCHIKA MAASAM . 41 days MANDALAM period started. I went to temple to attend the Elephant procession and Chenda Melam . came back late but hurried for school after gulping some KANJI- rice poridge- Of course I reached well in time. The 1st period was sansrit and the Pandit maash with a tuft [switch] on his head in good stead arrived in full swing! after writing down another sloka on the BB , he asked me to recite the previous days number. I mumbled, surely. there after I did not know what happened: he asked me to extend both my hands for receiving the punishment. Several big canes and his fresh healthy active morning! the thuds were unbearable and very painful.i received all the HITS without any remorse as it was my failure to abide by the instruction. Violation of instructions or guidelines no teacher tolerated those days. And Aiyar Pandit ji the least!! Probably that helped me to remember all those SUBHAASHITAANIs by heart since then. കാക കൃഷ്ണ പിക കൃഷ്ണ, കോ ഭേദ പിക കാകയേത്? വസന്ത കലൌ സമ്പ്രാപ്തൈ , കാക കാക പിക പികഃ!!!ച്ചാല്‍: കാകനും കറുപ്പ്, കുയിലുണ്ണിയും കറുപ്പ്. ന്നാലോ? രണ്ടും തമ്മില്‍ എന്താ വ്യത്യാസം? വസന്തകാലം വരുമ്പോള്‍ അതറിയാം: അപ്പോള്‍ കാകന്‍ കാക്കയും, കുയില് കുയിലുമായി മാലോകര്‍ക്കു മനസ്സിലാകും! Thats all for the time being! more in the immediate future.

അജ്ഞതാ ഭൂതങ്ങള്‍- മാര്‍ഷല്‍. ഒരു നാടോടിക്കഥ

കഥ മാര്‍ഷല്‍

അജ്ഞതാ ഭൂതങ്ങള്‍

ചേലക്കരക്കാരന്‍ ബാബു പഞ്ചാബ് , ഭട്ടിണ്ടയില്‍ നിന്നും അവധിയില്‍ വന്നതായി രുന്നു.അവിടേ ഒരു പ്രൈവറ്റു കമ്പനിയില്‍ പ്രൊപ്രൈറ്ററായി ജോലിചെയ്തുവരികയായിരുന്നു അവന്‍ . തിരുവില്വാമലയിലെ കുന്നത്തുമലക്കുന്നിലൂടെ ഒറ്റക്ക് കാറോടിച്ച്പോകയാ യിരുന്നു . കുന്നത്തു മല കഴിഞ്ഞ് ,മലയാറാന്‍ മലകഴിഞ്ഞ് വേണം പുനര്‍ജ്ജനി മലയില്‍ എത്തുവാന്‍. അവിടെ എത്തുന്നവര്‍ പുനര്‍ജ്ജനിക്കുകയാല്‍ അവര്‍ക്ക് പിന്നീടൊരു ജന്മവും ഉണ്ടാവുകയില്ല എന്നും ഒരു നാട്ടുശാസ്ത്ര മുണ്ട്!
മനുഷ്യന് മുക്തി സിദ്ധിക്കണമെങ്കില്‍ പുനര്‍ജ്ജനി സന്ദര്‍ശ്ശിക്കണമത്രേ! മുക്തിയില്ലാതെസിദ്ധികൂടീട്ട്ഒരുകാര്യവുമില്ല!
“മുക്തിയെപ്രാപിക്കാത്തോര്‍മരിച്ചിട്ടെന്തുഫലം?,
വീണ്ടുമേ ജനിച്ചീടും വീണ്ടുമേ മരിച്ചീടും!”,
എന്ന് കര്‍മ്മ ശാസ്ത്രത്തില്‍, തുഞ്ചന്റെ കിളിപ്പാട്ടു രൂപത്തില്‍ ഒരിടത്ത് പാടിയിട്ടുണ്ട്, അതാരും വായിച്ചിട്ടില്ലാത്തത്, ആ സാധനം എവിടേയും കിട്ടാത്തതു കൊണ്ടാണ്!
അതുകൊണ്ടാണ് തിരുവില്വാമലയിലെ പുനര്‍ജ്ജനിയിലേക്ക് ഇത്രയേറെ തീര്‍ത്ഥാടകര്‍ ചെന്നെത്തുന്നത്, പ്രത്യേകിച്ച് ഇടവപ്പാതി പിറക്കുന്നതോടെ!
അവിടെ വെച്ചു സിദ്ധികൂടിയാല്‍ സംസ്കാരാദികള്‍ക്ക് ഭാരതപ്പുഴതീരത്തുള്ള ഐവര്‍ മഠം വളരെ അടുത്തുമാണ്. പുണ്യസ്യ പുണ്യം, മഹാനി പുണ്യാനി എന്നും ഫലം അറിക!!
കഥയിലേക്കു കടക്കാം: ബാബു ഒറ്റക്കായിരുന്നു കാറോടിച്ചുപോയിരുന്നത്. മണ്‍സൂണ്‍ മഴ തുടങ്ങിയിരിക്കുന്നു. കാലവര്‍ഷം കാണാനും ആസ്വദിക്കുവാനും കുറേ പര്യടകര്‍ ഈ കാലത്ത് വരുന്നുണ്ട്. കാര്‍ മേഘങ്ങള്‍ ഉരുമ്മി ഉരുമ്മി പോകുന്നു. തൊടാം! കുളിരില്‍ കോരിത്തരിക്കാം. മേഘജലം കൈകൊണ്ടെടുത്ത് മേല്‍ക്കഴുകാം, ശരീരത്തില്‍ തഴുകാം, തലോടാം,താലോലിക്കാം. മേഘജാലങ്ങളുടെ സുഗന്ധം ചെമ്പകപ്പൂ മണത്തെ വെല്ലുന്ന താണ്.
ദില്‍…. ഹും…ഹും…കരേ….ഘബ്‌….രാ…യേ…..( ഹൃദയം ഹും ഹും എന്നടിക്കുന്നു, മനസ്സില്‍ പേടി തോന്നുന്നു!)
ഘന്….ധം….ധം….കരേ…..ഗര്‌..ജായേ…………………….(കാര്‍മേഘങ്ങള്‍ കൂട്ടിയിടിക്കുന്നു, ഗര്‍ജ്ജിക്കുന്നു)
ഏക്…ബൂന്ദ്…കാ..ബീ…പാനീ…കീ‍ീ‍ീ‍ീ‍ീ…….………(ഒരുതുള്ളി കണ്ണുനീരെങ്കിലും..അത് …)
മൊരേ അഖിയോം….സേ….ബര്‌..സാ‍ാ‍ാ‍ായേ..~~~~(എന്റെനയനങ്ങളില്‍ പെരുമഴയായിപെയ്യുന്നു!!) എന്ന ബൂപന്‍ ഹസാരിക്ക പാടിയ സുന്ദരമായ ഹിന്ദിപാട്ടിന്റെ ഈണം മലയാളമണ്ണില്‍ ബാബു മൂളി നോക്കി. അതിനോട് ഇതിന്ന് ഇണക്കമില്ല. ഇണങ്ങാത്തതിനോട് പിണക്കം കാണിച്ച് ഒരു ഫലവുമില്ല!
അതേപറ്റി ഓരോന്നോര്‍ത്ത് വണ്ടി ഓടിച്ചോണ്ട് പോകവേ , സന്ധ്യ മയങ്ങുന്നു; ഓടിക്കൊണ്ടിടിരുന്ന കാര്‍നിന്നു കളയുന്നു! ഠീം!
എന്തു പറ്റീടാ? വണ്ടി നിന്നു, ചേട്ടാ! സ്റ്റാര്‍ട്ടാകുന്നില്ല. എഞ്ചിന്‍ നിന്നു; അതു തന്നെ . അഞ്ചാറു തവണസ്റ്റാര്‍ട്ടാക്കി നോക്കി; യന്ത്രം അനങ്ങിക്കൊടുക്കുന്നില്ല. പഠിച്ചവിദ്യ പതിനെട്ടും ബാബു പയറ്റി നോക്കി. പറ്റിണില്ല! ബാബുവും ആ ഒറ്റക്കാറും മാത്രം. ഒറ്റകുട്ടിയില്ലാത്ത വിജനമായ സ്ഥലി! ചാതി ചാത്തന്മാര്‍ മാത്രമുള്ള ഇടം, കുന്നിന്‍ കൊടുമുടികള്‍, ചെരുവുകള്‍, താഴ്വരകള്‍! ഈ ചെരുവുകളിലൊന്നിലായിരിക്കാം മറ്റേ അശോകന്‍ ഒരുകാലത്ത് ചെന്നിരുന്നിട്ടുണ്ടാവുക! കീഴെ അഗാധമായ കുണ്ട്! കയം. വീണുപോയാല്‍ കായത്തിന്റെ പൊടിയുണ്ടാവില്ല! [ബാക്കിയൊക്കെ ഉണ്ടാവില്ലേ? അതു പോരേ, മതി, തല്‍ക്കാലം!] കായമെന്നാല്‍ പെരുങ്കായമെന്നാണ്സംസ്കൃതം.
ഇരുട്ടായിവരുന്നതിനാല്‍ നടക്കുകതന്നെ; വഴിയില്‍ ആരെയെങ്കിലും കാണാതെ ഇരിക്കയില്ല, എന്നു കരുതി ബാബു നടന്നു തുടങ്ങി. ആരേയും കണ്ടില്ല; ഒരുമണിക്കൂറിലേറെയായി ഈ നടത്തം. ആയിരം കാതം താണ്ടിയിരിക്കും, ഊമന്‍ ചാണ്ടീയെപ്പോലെ. മഴ ചാറിക്കൊണ്ടേ ഇരിക്കുന്നു. കൊള്ളിയാന്‍ മിന്നുന്നു, ഇടി വെട്ടുന്നു! കാറ്റു വീശുന്നു. പെരുമാരി ഇനിയും വരുവാനുള്ള ആലഭാരമാണ്. എങ്ങിനെ പോകും, എങ്ങിനെ സ്വഭവനം പൂകും, രാത് മേം ക്യാ ഹോഗാ? ഒരെത്തും പിടിയുമില്ലാതെ , ഇതികര്‍ത്തവ്യതാമൂഢനായി, പമ്പരവിഡ്ഢിയായി പരിലസിച്ച് അവന്‍ അങ്ങിനെ നടക്കുമ്പോള്‍ പെട്ടെന്ന് ഒരു കാര്‍ പിന്നില്‍ നിന്നും മെല്ലെ മെല്ലെ വരുന്നു; ബാബു വാതില്‍ തുറന്ന് ഉള്ളില്‍ കയറി ഇരുന്നു.
നല്ല ക്ഷീണമുണ്ടായിരുന്നു. ശ്വാസം തിരിയെ കിട്ടിയ ശേഷം ആരാണ് വണ്ടി ഓടിക്കുന്നത് എന്നു നോക്കിയപ്പോള്‍, ആരേയും കണ്ടില്ല. വണ്ടി തനിയേ ഓടിക്കൊണ്ടേ ഇരിക്കുന്നു. മാത്രമല്ല , കാറിന്റെ എഞ്ചിനൊന്നും ഓടുന്നില്ല, ബോണറ്റിന്റെ ഉള്ളില്‍ നിന്നും ഒരു മുഴക്കവും ഉണ്ടാകുന്നില്ല!
ബാബു ഇരുന്നിടത്തിരുന്ന് തരിച്ചുപോയി! സ്തംഭിച്ചു പോയി! കാറ് തനിയേ ഓടുകയോ?ശെയ്‌ത്താന്‍! ഒരു സംശയവും വേണ്ട! ചെകുത്താന്‍ തന്നെ! ഭൂതം ; പ്രേതം; പിശാചുക്കള്‍!മറുതകള്‍, ബ്രഹ്മരക്ഷസ്സുകള്‍,ചുടലച്ചാത്തന്മാര്‍,രക്തചാമുണ്ടികള്‍.മലമാക്കന്മാര്‍! മലയോരമാണ്. പ്രേത ഭൂതാദികളുടെ വിഹാര കേദാരമാണ് എല്ലാ മലയോരങ്ങളും. തിരുവില്വാമലയിലാണെങ്കില്‍ നിറയെ പൂതനും തറകളുമാണ്! അതും വെറും വര്‍ഗ്ഗത്തറകള്‍! മറ്റൊരു നാമധേയമില്ല!
ഒരു തിരുവെത്തിയപ്പോള്‍ ബാബു കണ്ണു ചിമ്മി: നാം തകരും തീര്‍ച്ച, നേരേ പായുന്ന, എഞ്ചിനില്ലാതെ ഒറ്റക്കോടുന്ന വണ്ടി എങ്ങിനെ ടേണ്‍ ചെയ്യുമീശ്വരാ?,എന്നു മനസ്സില്‍ കരുതിയതിനാലാണ്, പേടിച്ച് പരവശനായതും കണ്ണടഞ്ഞുപോയതും! പെട്ടെന്ന് ഒരു അജ്ഞാതമായ കയ്യ് ഫ്രന്റ് ഡോര്‍ പാനലിലൂടെ പ്രവേശിച്ച് , സ്റ്റീയറിങ്ങ് തിരിക്കുന്നു.
അയ്യോ! രക്ഷപ്പെട്ടു! മൈ ഗുഡ്നെസ്സ്!! ബാബുവാകട്ടെ പേടിച്ചിരണ്ടിരിക്കുന്നു. ഷുവര്‍ , ദേര്‍ ഈസ് സം സൂപ്പര്‍ നാച്ചുറല്‍ തിങ് ഈസ് ഹാപെനിങ് ഹ്യര്‍. ബാബു പിന്നേയും ഭയചകിത ചകോരനായി!
കാര്‍ പോയ്ക്കൊണ്ടേ ഇരുന്നു, തിരുവുകളില്‍ സ്റ്റിയറിങ് വീല്‍ വേണ്ടവണ്ണം തിരിക്കപ്പെട്ടു വന്നു. ഒരു ചുരം, രണ്ടു ചുരം, മൂന്നു ചുരം , ചുരുളഴിയുവോളം ചുരങ്ങള്‍ താണ്ടി കാറു മുന്നോട്ടു നീങ്ങി. കുറേ ദൂരം താണ്ടിക്കഴിഞ്ഞിരിക്കും; ചെറിയ ഒരു, ആള്‍സഞ്ചാരമുള്ള ഗ്രാമമായി തോന്നി, അവിടെ കാര്‍ മെല്ലെ മെല്ലെ നീങ്ങുവാന്‍ തുടങ്ങി . അന്നേരം ബാബു പെട്ടെന്ന് ധൈര്യം സംഭരിച്ച് ഡോര്‍ തുറന്ന്, പുറത്തു ചാടി, ഓടി. തിരിഞ്ഞു നോക്കാനേ പോയില്ല. എന്തുമാരണമായിരിക്കുമാവോ? എന്തെങ്കിലുമാവട്ടെ, രക്ഷപ്പെട്ടുവല്ലോ?
നേരെ ഒരു കെട്ടുകടയില്‍ കയറി, ആദ്യം വെള്ളവും, പിന്നെ ചായയും ചോദിച്ചു. ശ്വാസഗതിയില്‍ വേഗത കണ്ട ഒരാള്‍ ചോദിച്ചു: നിങ്ങളെന്താ ഇങ്ങനെഭയപ്പെട്ട പോലെചകിതനായിരിക്കുന്നത്,മേനക്കുടമളേ?
ബാബുഅവന്റെകഥയുടെചുരുളഴിച്ചു:
കാളി കാളി മഹാ കാളി, ഭദ്രകാളീ നമോസ്തുതേ,
കുലംച കുല ദൈവം ച , മാം ച പാലയ, പാലയ!!
ഭദ്രകാളീനമസ്തുഭ്യം,വരദേകാമരൂപിണീംവിദ്യാരംഭംകരിഷ്യാമി സിദ്ധിര്‍ഭവതുമേസ്സദാ………………
ഇവിടത്തെ മലഞ്ചെരുകളില്‍ ഭൂതങ്ങള്‍ ഉണ്ടോ? അറിയാന്‍ വേണ്ടി ചോദിക്കുകയാ?
***************************************************** കഥ പറഞ്ഞുകൊണ്ടിരിക്കുമ്പോള്‍ കാര്‍ മെക്കാനിക്കുകളായ കണ്ടനും കോരനും അവിടെ കയറിവന്നു. കഥ കേട്ട് കണ്ടന്‍ കോരനോട് പതിഞ്ഞ സ്വരത്തില്‍ കണ്‍‌ഠമൊതുക്കിപ്പറഞ്ഞു:
നമ്മള്‍ തൃസന്ധ്യ നേരത്ത് കാറുന്തിക്കൊണ്ടുവരുമ്പോള്‍ വഴിക്കുവെച്ച് കയറുകയും ഇടക്കുവെച്ച് ഇറങ്ങി ഓടിപ്പോകുകയും ചെയ്ത സത്വം…, നീ പറഞ്ഞത് പുനര്‍ജ്ജനി ഭൂതമാണ് എന്നല്ലേടാ? അതെ!
എടാ ആ സത്വം ധാ’ ഈ ഇരിക്കണതു തന്നെ അല്ലേടാ? ഒന്നു ശരിക്ക് നോക്യേന്‍? വേഷം മാറി വന്നിരിക്കുകയാവാം ആ സത്വം!
ആയിരിക്കുമെടാ! ശര്യാന്നാ തോന്നണേ!
ആ ഭൂതം ഇവട്യേം കേറീരിക്കുണൂഡാ! ഈ പ്രദേശത്തെ പണികഴിഞ്ഞു ഇനി! ഒന്നും ബാക്കിയുണ്ടാകില്ലഡാ!! ത്രിസന്ധ്യയ്ക്കാ കയറി വന്നിരിക്കുന്നത്.
ഇബറ്റക്കാണെങ്കില്‍ ഒരു കുന്തോം അറിയുംകൂടി ഇല്ല്യ! ഇനി ഇപ്പോള്‍ എന്താടാ ചെയ്യാ?
ഒന്നു ബലിക്കളഞ്ഞാലോ? ആക്കുഴികുട്ടികൃഷ്ണന്‍ നായരെ ഒഴിവുകണ്ടാല്‍ മതി!
ശര്യാ! എന്നാല്‍ അങ്ങന്യാവട്ടെ!
അവര്‍ അതിന്നു വേണ്ടി പണപ്പിരിവു നടത്തി, പാമ്പാടി സെന്ററില്‍ നടുറോട്ടില്‍ നട്ടപ്പാതിരയ്ക്ക് ആക്കുഴിമാനെക്കൊണ്ട് ബലിക്കളയിച്ചു! കുക്കുട ബലിയും,മരനീരുബലിയും ,ധൂപദീപാവലിയും, ചാത്തന്‍ തുള്ളലും, കോമരം ചാട്ടവും ഒക്കെ നടന്നു!
——————————————————————–
പിന്‍‌കുറിപ്പ്: അജ്ഞത ഭയത്തെ ജനിപ്പിക്കുന്നു: ഭയം അന്ധവിശ്വാസത്തേയും! അന്ധവിശ്വാസം ജനാവലിയെ വലപ്പിക്കുകയേ ഉള്ളൂ, അവരെ ഉദ്ധരിപ്പിക്കുകയില്ല!പല പല കാര്യങ്ങളും മേല്പറഞ്ഞ കഥയെപ്പോലെ സംഭവിക്കുന്നവയാണ്! അതിനെ തിരിച്ചറിഞ്ഞാല്‍ നന്ന്‍!- മാര്‍ഷല്‍